بھارت ہندوآبادی کا تناسب بڑھا کر کشمیر کی تحریک آزادی ختم کرنا چاہتا ہے: سراج الحق
The news is by your side.

Advertisement

بھارت ہندوآبادی کا تناسب بڑھا کر کشمیر کی تحریک آزادی ختم کرنا چاہتا ہے: سراج الحق

لاہور:  امیرجماعت اسلامی سراج الحق نے کہا ہے کہ بھارت نےخطے میں امن کے لئے پاکستانی کوششوں کا ہمیشہ مذاق اڑایا۔

ان خیالات کا اظہار انھوں نے بھارتی آرمی چیف جنرل چیف بپن راوت کے غیرذمے دارانہ بیان پر ردعمل دیتے ہوئے کیا۔

سراج الحق کا کہنا تھا کہ بھارتی نے مثبت جواب دینےکے بجائے پاکستان کی امن کی خواہش کو اس کی کمزوری سمجھا۔

امیر جماعت اسلامی کا کہنا تھا کہ بھارت کشمیر میں مسلمانوں کی نسل کشی کررہا ہے، بھارت ہندوؤں کو دوسری ریاستوں سےلا کر کشمیرمیں آباد کر رہا ہے۔

سراج الحق کا کہنا تھا کہ بھارت کشمیر پر زبردستی قبضہ کرکے بیٹھا اور وادی میں ہندو آبادی کا تناسب بڑھا کرتحریک آزادی ختم کرانا چاہتاہے۔

امیرجماعت اسلامی سراج الحق نے کہا کہ اقوا م متحدہ کی قراردادوں کے مطابق کشمیر متنازع علاقہ ہے، اس کا حل قراردادوں کے تحت کیا جائے۔

یاد رہے کہ بھارتی نے روایتی ہٹ دھرمی کا مظاہرہ کرتے ہوئے پاکستان سے مذاکرات کی دعوت پھر رد کر دی ہے. دوسری جانب بھارتی آرمی چیف پاکستان کو براہ راست دھمکیاں دینے پر اتر آئے.

مزید پڑھیں: پاکستان جنگ کیلئے تیار ہے مگر امن چاہتا ہے، پاک فوج کا بھارت کو منہ توڑ جواب

آج بھارتی آرمی چیف نے گیدڑ بھبکی دی ہے کہ اب پاکستان کو جواب دینے کا وقت آگیا ہے.

اس بیان پر پاکستان کی عسکری اور سیاسی قیادت کی جانب سے شدید ردعمل آیا. ڈی جی آئی ایس پی آر نے اپنے ایک بیان میں‌ کہا امن کی خواہش کو کمزوری نہ سمجھا جائے، پاکستان جنگ کے لئے تیار ہے، مگر امن چاہتا ہے.

Comments

comments

یہ بھی پڑھیں