فوج بھارتی گولہ باری کا بھرپور جواب دے، سراج الحق -
The news is by your side.

Advertisement

فوج بھارتی گولہ باری کا بھرپور جواب دے، سراج الحق

لاہور : امیر جماعت اسلامی سراج الحق نے کہا ہے کہ پاکستان کشمیر میں جاری بھارتی گولہ باری کا بھرپور جواب دے، بھارتی فوج کے کشمیر سے انخلاء تک پاک بھارت دوستی ممکن نہیں ہو سکتی۔

امیر جماعتِ اسلامی سراج الحق جمیعت طلبہ عربیہ کی تقریب سے خطاب کررہے تھے.

اُن کا کہنا تھا کہ دشمن کو دوست سمجھنا سب سے بڑی غلطی ہے، بھارت پاکستان کا کبھی دوست نہیں ہوسکتا وہ کشمیر میں نہتے عوام پر گولہ باری کر رہا پاکستانی حکومت کو بھی چاہیے کہ بھارتی جارحیت کا موثر جواب دے۔

انہوں نے کہا کہ جماعتِ اسلامی مساجد کو اداروں میں تبدیل کردے گی جہاں عبادت کے ساتھ ساتھ دنیاوی تعلیم بھی دی جائےگی کیوں کہ تعلیم اور عبادت کو جدا نہیں کیا جاسکتا اور ان مساجد میں عدالتیں بھی لگیں گی، عدالتیں بھی یہیں ہونی چاہئیں کیوں کہ مسجد نبویﷺ میں بھی یہی سبق دیا جاتا تھا۔

امیر جماعت اسلامی سراج الحق کا مزید کہنا تھا پاکستانی قوم کو مقروض کرنے میں سب سے بڑا کردار ظالم اشرافیہ کا ہے جنہوں نے عوام کو سہولیات مہیا کرنے کے بجائے اپنی جیبیں بھریں اور لوٹی ہوئی دولت کو بیرونِ ملک منتقل کیا،ملک کے اثاثے گروی رکھ کر قرضے لیے جاتے ہیں اور پھر اپنی جیبیں بھری جاتی ہیں۔

انہوں نے کہا کہ ملک میں دہشت گردی کی بڑی وجہ امریکا نواز پالیسیاں ہیں جب کہ سازش کے تحت علما اور دینی مدارس کو بدنام کیا جا رہا ہے تاکہ ملک سے مذہبی تعلیمات پھیلانے والے اداروں کو بند کرایا جا سکے۔

Comments

comments

یہ بھی پڑھیں