راولپنڈی : سابق وزیر داخلہ شیخ رشید کا کہنا ہے کہ حالات سنگین سے سنگین تر ہوتے جارہے ہیں، آئی ایم ایف کے پیسے ختم اور کہیں سے مدد نہیں مل رہی۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ ڈار کے آنے کے بعد زرمبادلہ کے ذخائر ایک ارب ڈالر کم ہو گئے، آئی ایم ایف کے پیسے ختم اور کہیں سے مدد نہیں مل رہی، حالات سنگین سے سنگین تر ہوتے جارہے ہیں۔
شیخ رشید کا کہنا تھا کہ پی ڈی ایم کی ہچکیاں اورسسکیاں عوام کا راستہ نہیں روک سکتیں، عوام پہلے ہی بجلی ، پٹرول اور آٹے کے ہاتھوں کرش ہیں۔
ڈار کے آنے کے بعد زرمبادلہ کے ذخائر 1 ارب ڈالر کم ہو گئے ہیں۔IMFکے پیسے ختم اور کہیں سے مدد نہیں مل رہی۔ حالات سنگین سے سنگین تر ہوتے جارہے ہیں۔PDM کی ہچکیاں اور سسکیاں عوام کا راستہ نہیں روک سکتیں۔ عوام پہلے ہی بجلی،پیٹرول اور آٹے کے ہاتھوں کرش ہیں، اب طاقت سے کس کو کرش کرنا ہے.
— Sheikh Rashid Ahmed (@ShkhRasheed) October 15, 2022
عوامی مسلم لیگ کے سربراہ نے ایک اور ٹوئٹ میں لکھا کہ پی ڈی ایم کا سیاسی جنازہ نکل گیا ہے، جو بھی ان کو سہارا دے گا اپنی عزت اور وقار نیلام کرے گا۔
ان کا مزید کہنا تھا کہ شیخ رشیدیہ ذاتی مفاد کے لیے قوم کو سامراجی طاقتوں کا غلام بنا رہے ہیں، وزیرخارجہ اپنے ملک سے لاپتہ ہیں،ا ن کاچورن کہیں نہیں بک رہا پی ڈی ایم سے حق و سچ کی آوازیں آنا شروع ہوگئی ہیں ، انشاء اللہ نومبر تک آر یا پار ہو جائے گا۔
پی ڈی ایم کاسیاسی جنازہ نکل گیاہے،جوبھی انکوسہارا دےگا،اپنی عزت اوروقارنیلام کرےگا۔اپنے ذاتی مفاد کےلیے قوم کوسامراجی طاقتوں کاغلام بنارہے ہیں۔وزیرخارجہ اپنےملک سےلاپتہ ہیں،انکاچورن کہیں نہیں بک رہاPDMکےاندر سےحق سچ کی آوازیں آناشروع ہوگئی ہیں۔انشاء اللہ نومبرتک آر یاپار ہوجائےگا
— Sheikh Rashid Ahmed (@ShkhRasheed) October 15, 2022
