شارجہ : عدالت نے اسکول کے سوئمنگ پول میں ڈوبنے والے چار سالہ بچے کی ہلاکت پر 6 افراد پر فرد جرم عائد کردی۔
تفصیلات کے مطابق متحدہ عرب امارات کی ریاست شارجہ میں گزشتہ برس چھ ملزمان کی غفلت کے باعث چار سالہ اماراتی شہری اسکول کے سوئمنگ پول میں ڈوب کر ہلاک ہوگیا تھا۔
عدالت نے بچوں کیلئے حفاظتی اقدامات نہ کرنے، بچے کو اکیلے سوئمنگ پول کے پاس چھوڑنے، پول ایریے میں گارڈ تعینات نہ کرنے کے الزام میں اسکول مالک پر فرد جرم عائد کی۔
امارتی عدالت نے اسکول مالک کے علاوہ جسمانی تعلیم کے عرب ٹیچر، سوئمنگ سکھانے والا اطالوی شہری، آسٹریلین اور فلپائنی استاد سمیت ایک فلپائنی خاتون کو بچے کی موت کا ذمہ دار قرار دیتے ہوئے فرد جرم عائد کی۔
دوسری جانب اسکول مالک سمیت دیگر ملزمان نے عدالت میں عائد کیے الزامات کی تردید کی۔
اماراتی خبر رساں ادارے کے مطابق عدالت نے ملزمان کا بیان ریکارڈ ہونے کے بعد کیس کی سماعت 6 اپریل تک ملتوی کرتے ہوئے حکم دیا کہ سماعت کے دوران ہونے والے اخراجات کی ادائیگی اسکول انتظامیہ کرے گی۔
مزید پڑھیں: دبئی کے سوئمنگ پول میں 2 بچے ڈوب کر جاں بحق
مزید پڑھیں : شارجہ: اسکول کے سوئمنگ پول میں ڈوب کر 4 سالہ طالب علم جاں بحق
یاد رہے کہ گزشتہ برس نومبر میں شارجہ کے نجی اسکول کے سوئمنگ پول میں ڈوب کر 4 سالہ بچہ جاں بحق ہوگیا تھا، ریسکیو عملے نے بچے کو فوری طور پر القاسمی اسپتال منتقل کیا گیا تاہم وہ جانبر نہ ہوسکا۔
