اسکردو: قومی ایئر لائن پی آئی اے کی پہلی بین الاقوامی پرواز 234 دبئی سے اسکردو لینڈ کر گئی، پرواز کے اترنے کو بعد اسکردو کو بین الاقوامی ایئرپورٹ کا درجہ مل گیا۔
پی آئی اے ترجمان کے مطابق مسافروں میں گلگت بلتستان کی روایتی ٹوپی اور تحائف تقسیم کئے گئے، جبکہ طیارے کی آمد پر یئرپورٹ حکام کی جانب سے واٹر کینن سلوٹ بھی پیش کیا گیا۔ کپتان نے یوم آزادی کی مناسبت سے قومی جھنڈا لہرایا۔
دوسری جانب قومی ایئرلائن (پی آئی اے) نے جشن آزادی کے موقع پر اندرون ملک پروازوں پر 14 فیصد رعایت کا اعلان کردیا ہے۔
- Advertisement -
ترجمان پی آئی اے نے بتایا ہے کہ 14اگست کو پی آئی اے کی تمام پروازوں پر 14 فیصد رعایت ہوگی، رعایتی ٹکٹ فوری طور پر جاری کرائے جا سکتے ہیں۔
ترجمان کا کہنا تھا کہ رعایتی ٹکٹ 14 اگست کو سفر کرنے کیلئے موثر ہوں گے۔
