مظفرآباد : پولیس کے اہلکار کو خاتون مسافر کے ساتھ بدتمیزی کرنا مہنگی پڑگیا، خاتون نے ایس پی کے کہنے پر اہلکار کو جوابی تھپڑ مار کر بدلہ لے لیا۔
اے آر وائی نیوز کی رپورٹ کے مطابق مظفر آباد میں پولیس اہلکار کی خاتون مسافر سے بدتمیزی کے خلاف احتجاج پر پولیس افسران کے کہنے پر خاتون نے پولیس اہلکار کو تھپڑ مار کر بدلہ لے لیا۔
مظفرآباد میں پولیس حکام نے ’تھپڑ کے بدلے تھپڑ‘ کے مصداق خاتون کے ساتھ انصاف کردیا تھپڑ کے بدلے تھپڑ مارنے کے بعد مظاہرین نے احتجاج ختم کردیا گیا۔
رپورٹ کے مطابق احتجاجی مظاہرے کے باعث مظفرآباد مانسہرہ شاہراہ کئی گھنٹے ٹریفک کیلئے بند رہی، جس کی وجہ سے گاڑیوں کی لمبی قطاریں لگ گئیں۔
برار کوٹ انٹری پوائنٹ پر مسافر خاتون کو تھپڑ مارنے پر مقامی افراد نے شدید احتجاج کیا تھا، مقامی ایس پی نے ڈی ایس پی بالاکوٹ کے ہمراہ مظاہرین سے مل کر معاملات حل کرانے کی کوشش کی۔
متاثرہ شخص کا کہنا تھا کہ نازیبا رویہ اختیار کرنے پر خورشید بانڈے کے ہمراہ خاتون کو تھپڑا مارا گیا، مظاہرین نے پولیس اہلکار سے معافی مانگنے کا بھی مطالبہ کیا۔
نمائندہ اے آر وائی نیوز کے مطابق مظفرآباد کے رہائشی خورشید بانڈے اپنے اہل خانہ کے ہمراہ مظفرآباد سے گڑھی حبیب اللہ جا رہے تھے، گاڑی میں 4 خواتین میں سے ایک ان کی بہن بھی تھیں۔
گڑھی حبیب اللہ چیک پوسٹ پر ٹریفک پولیس نے ان کو روکا اور شناختی کارڈ اور لائسنس مانگا جس پرانہوں نے شناختی کارڈ تو دکھایا لیکن لائسنس ان کے پاس موجود نہیں تھا کیونکہ لائسنس بائیو میٹرک کروانے کے لیے مظفرآباد جمع کروایا ہوا ہے۔
انہوں نے مزید کہا کہ ان کا 5000 روپے کا چالان کاٹا گیا جس پر ایک دوسرے اہلکار کی مداخلت پر چالان کی رقم میں کمی کی گئی اوریک ہزار روپے کا چالان ادا کیا لیکن اس کے باوجود پولیس اہلکار نے ان کے ساتھ بد تمیزی کی میری بہن نے کہا کہ آپ غلط کر رہے ہیں، اس بات پر پولیس اہلکار نے ان کی بہن کو تھپڑ مارا اور وہاں سے فرار ہوگیا۔
مزید پڑھیں : کراچی میں پولیس افسر کی خاتون سے بدتمیزی
یاد رہے کہ اس سے قبل گزشتہ سال کراچی کے سول لائنز تھانے میں تفتیشی افسر انسپکٹر عبدالرشید نے ایک خاتون سے بدتمیزی کی تھی، ویڈیو منظرعام پر آنے پر اسے معطل کردیا گیا تھا۔
اے آر وائی نیوز کے مطابق تفتیشی افسر نے مبینہ طور پر نشے کی حالت میں خاتون سے بدتمیزی کی اور دھکے دے کر باہر نکالنے کی دھمکی دیتا رہا۔
