لاہور: مسلم لیگ ن کی ترجمان مریم اورنگزیب نے جوش میں آکر اپنے ہی لیڈر کو بہت کچھ کہہ دیا۔
تفصیلات کے مطابق مسلم لیگ ن کی ترجمان مریم اورنگزیب میڈیا سے گفتگو کررہی تھیں کہ ان کی زبان پھسل گئی اور انہوں نے کہا کہ سیلکٹڈ نااہل وزیراعظم اڈیالہ میں بند ہے۔
انہوں نے نواز شریف کو چھوٹی ذہنیت کا شخص اور نالائق بھی قرار دیا اور جب غلطی کا احساس ہوا تو وہ اپنے سر پر ہاتھ رکھ کر خاموش رہیں۔
یہ پڑھیں: لاہور: عظمیٰ بخاری کی زبان پھسل گئی، گو نواز گو کہہ ڈالا
مریم اورنگزیب کی میڈیا سے گفتگو کے دوران ان کے ساتھ ن لیگ کی رہنما سائرہ افضل تارڑ ودیگر بھی موجود تھے۔
یاد رہے کہ اس سے قبل مسلم لیگ ن کی رہنما عظمیٰ بخاری نے احتجاج کے دوران ’گو نواز گو‘ کا نعرہ لگادیا تھا۔
بعد ازاں احساس ہونے پر نعرہ روک دیا اور قریب کھڑی ساتھی اراکین ان کی طرف دیکھ کر مسکرا دیں۔ مظاہرے میں اپوزیشن لیڈر حمزہ شہباز شریف بھی شریک تھے۔
