پشاور: صوبہ خیبر پختونخواہ میں سیلاب سے تباہ مکانات کی تعمیر نو کے لیے رقم جاری کی جارہی ہے، اس سلسلے میں ایک اسمارٹ فون ایپ تیار کرلی گئی ہے۔
تفصیلات کے مطابق صوبہ خیبر پختونخواہ کی حکومت نے سیلاب سے تباہ مکانات کے سروے کے لیے موبائل ایپلی کیشن تیار کرلی۔
صوبائی ڈیزاسٹر مینجمنٹ اتھارٹی (پی ڈی ایم اے) کے ڈائریکٹر جنرل کا کہنا ہے کہ صوبے میں مکمل تباہ شدہ مکانوں کے مالکان کو پیکج کے تحت 4 لاکھ روپے دیے جائیں گے۔
ڈی جی کا کہنا ہے کہ جزوی تباہ شدہ مکانا کے لیے 1 لاکھ 60 ہزار روپے دیے جائیں گے۔
انہوں نے کہا کہ مکانات کا معاوضہ دینے کے لیے 15 ستمبر سے سروے کا آغاز کیا، ایپ میں متاثرہ مکان اور اس کے سربراہ کا شناختی کارڈ و دیگر کاغذات کی تصاویر کو اپلوڈ کیا جاتا ہے۔
معاوضہ بینک آف خیبر کے اے ٹی ایم اور چیک بکس سے ادا کیے جائیں گے۔
