اسلام آباد: سینئر سیاستدان اور سابق سینیٹر مصطفیٰ نواز کھوکھر نے وزیر خزانہ اسحاق ڈار کے ’میزائل پروگرام‘ کے بیان پر اپنے ردعمل کا اظہار کر دیا۔
سماجی رابطے کی ویب سائٹ ٹوئٹر پر مصطفیٰ نواز کھوکھر نے لکھا کہ وزیر خزانہ اسحاق ڈار کی باتیں خطرناک ہیں، لگتا ہے ایک اور سائفر کہانی تیار ہونے جا رہی ہے۔
مصطفیٰ نواز کھوکھر نے لکھا کہ ایسا کوئی مطالبہ مفتاح اسماعیل سے نہیں کیا گیا جب وزیر خزانہ تھے، آئی ایم ایف نے ایسا مطالبہ گزشتہ حکومتوں سے بھی نہیں کیا۔
انہوں نے سوال اٹھایا کہ سیاستدان اپنی نااہلی چھپانے کے لیے کس حد تک جائیں گے؟
Dar’s insinuations r dangerous. Smells like another cipher story in the making. No such demands were made 4m Miftah when he put the IMF program back on track or 4m previous govt’s when they went to the IMF. Lengths politicians would go to cover up for their incompetence! https://t.co/45EgeEsCLx
— Mustafa Nawaz Khokhar (@mustafa_nawazk) March 17, 2023
یاد رہے کہ گزشتہ روز سینیٹ اجلاس میں وزیر خزانہ اسحاق ڈار نے آئی ایم ایف معاہدے میں تاخیر کے بارے میں بتایا تھا۔
ان کا کہنا تھا کہ چند دوست ممالک نے سپورٹ کرنے کا وعدے کیا تو اب آئی ایم ایف کہہ رہا ہے کہ پہلے وہ اپنا وعدہ پورا کریں، معاہدے میں تاخیر کی وجہ حکومت کی طرف سے نہیں بلکہ اس بار آئی ایم ایف سے بات چیت بہت غیر معمولی رہی، مالیاتی ادارے نے بہت زیادہ مطالبات سامنے رکھ دیے
انہوں نےت بتایا کہ ہمیں قومی مفاد کا تحفظ کرنا ہے کوئی بھی نیوکلیئر یا میزائل پروگرام پر سمجھوتا نہیں کرے گا، کسی کو یہ حق حاصل نہیں کہ وہ ہمیں یہ بتائے کہ ہم کس رینج کے میزائل یا ایٹمی ہتھیار رکھیں۔