بھارت اور آسٹریلیا کے درمیان ہونے والے تیسرے ون ڈے میچ میں گرمی نے اسمتھ کا بھرکس نکال دیا، انھیں آرام کرنے کے لیے گراؤنڈ میں کرسی منگوانا پڑی۔
راجکوٹ میں کینگروز اور میزبان کے درمیان تیسرا میچ کافی گرم موسم میں کھیلا گیا جس کی وجہ سے بیٹنگ کے دوران اسٹیون اسمتھ کو بریک لینا پڑا، گرائونڈ میں ان کے لیے کرسی بھی منگوائی گئی جس پر ان کے بیٹھنے اور برف سے سر کے مساج کی ویڈیو سوشل میڈیا پر وائرل ہوگئی۔
When GOATs take a break 🕺🫶#IndiaCricketKaNayaGhar #TeamIndia #IDFCFirstBankODITrophy #ViratKohli pic.twitter.com/yQ8V0jvrj2
— JioCinema (@JioCinema) September 27, 2023
یہ واقعہ اننگز کے 28 ویں اوور کے بعد پیش آیا جب آسٹریلوی بیٹر گرمی سے نڈھال دکھائی دیے جب کہ اس دوران بھارتی کرکٹر ویرات کوہلی میدان میں مستی کرتے دکھائی دیے۔
𝗟.𝗕.𝗪!
Steve Smith departs for 74 as Mohd. Siraj strikes! ⚡️⚡️
Follow the Match ▶️ https://t.co/H0AW9UXI5Y#INDvAUS | @IDFCFIRSTBank pic.twitter.com/OjZEe5HlhX
— BCCI (@BCCI) September 27, 2023
کرسی پر آرام اور برف سے مساج کے بعد بھی اسمتھ کی طاقت بحال نہ ہوسکی اور وہ کچھ ہی دیر بعد محمد سراج کے ہاتھوں آؤٹ ہوئے جنہوں نے انھیں ایل بی ڈبلیو کیا۔
آسٹریلوی بیٹر نے اپنی اننگز کے دوران ون ڈے کرکٹ میں پانچ ہزار رنز بھی مکمل کیے۔ اسمتھ نے اپنی مذکورہ اننگز میں آٹھ چوکوں اور ایک چھکے کی مدد سے 74 رنز بنائے۔ آسٹریلیا نے اس میچ میں بھارت کے خلاف 66 رنز سے کامیابی حاصل کی۔
