کراچی : موسلا دھار بارش کے بعد کراچی کی ایک ہاؤسنگ سوسائٹی کے باہر جمع پانی میں دو زہریلے سانپ نکل آئے، جس سے مکینوں میں خوف وہراس پھیل گیا۔
تفصیلات کے مطابق کراچی میں بارش کے بعد اسکیم33 کا علاقہ گلزار ہجری لاوارث بن گیا، جمالی پل سے متصل لنک سڑک 25 روز سے ٹریفک کے لیے بند ہے۔
اے آروائی نیوز براہِ راست دیکھیں live.arynews.tv پر
25 روز سے سڑک پر جمع پانی سے 2 زہریلے سانپ نکل کر سوسائٹی میں داخل ہوگئے ، جس سے مکینوں میں خوف وہراس پھیل گیا تاہم سوسائٹی کی کمرشل انتظامیہ نے دونوں سانپوں کو مار ڈالا۔
کراچی:بارش میں کھڑے پانی کی وجہ سے مچھروں اور مکھیوں کی بہتات ہے لیکن ضلعی انتظامیہ اور حکومتی نمائندے غائب ہیں۔
اسکیم 33 سے متصل مرکزی سڑک سپر ہائی وے سے صفورا تک جاتی ہے ، سڑک بند ہونے سے اطراف کی سوسائٹی میں رہنے والے افراد کو سخت مشکلات کا سامنا ہے۔
یہاں یہ بات قابل ذکر ہے کہ شہر میں رینگنے والے جانوروں کے پھیلنے کے واقعات گاہے بگاہے رپورٹ ہوتے رہتے ہیں اور ایسے ہی ایک افسوس ناک واقعے میں کراچی ایئرپورٹ کے رن وے پر ایئرپورٹ سیکیورٹی فورس (اے ایس ایف) کا ایک اہلکار سانپ کے ڈسنے سے جاں بحق ہو گیا تھا۔
