پشاور: سوئی نادرن گیس کمپنی کی پھرتیاں بھی سامنے آ گئیں، خیبر پختونخوا کے شہر پشاور کے دس سالہ شہری پر گیس چوری کا مقدمہ بنا دیا۔
تفصیلات کے مطابق سوئی نادرن گیس کمپنی نے پھرتی دکھاتے ہوئے پشاور کے 10 سالہ بچے اسد کے خلاف گیس کے غیر قانونی کنکشن کا پرچا کٹوا دیا ہے۔
[bs-quote quote=”تھانے اپنی ضمانت کروانے آیا ہوں: اسد” style=”style-7″ align=”left” color=”#dd3333″][/bs-quote]
دس سالہ بچہ اسد پرچا کٹنے کی وجہ سے اپنا دفاع کرنے پر مجبور ہو گیا، اسد نے اپنی ضمانت کے لیے درخواست دے دی۔
اسد کا کہنا تھا کہ وہ گھر میں سب سے چھوٹا ہے اور اُسی پر مقدمہ بنا دیا گیا ہے، جس کی وجہ سے وہ اپنی ضمانت کروانے پر مجبور ہے۔
دس سالہ بچے نے کہا ’میرا نام اسد ہے اور گیس کمپنی نے مجھ پر مقدمہ درج کیا ہے، میں اپنی ضمانت کروانے تھانے آیا ہوں۔‘
یہ بھی پڑھیں: اوگرا نے گیس کی قیمتیں بڑھانے کے بعد فکسڈ چارجزمیں بھی اضافہ کردیا
یاد رہے کہ سوئی سدرن گیس کمپنی بڑے اداروں کے ساتھ تنازعات میں الجھتی رہی ہے، تاہم سوئی نادرن کے ایک دس سالہ بچے کے ساتھ الجھنے پر لوگ حیران رہ گئے ہیں۔
شہرِ قائد میں کے الیکٹرک کے ساتھ سوئی سدرن کے تنازعے نے کراچی کے شہریوں کو لوڈ شیڈنگ کے عذاب میں ایک عرصے تک مبتلا کیے رکھا۔
