سان فرانسسکو: فیس بک کی زیرملکیت سوشل میڈیا اور فوٹو ویڈیو شیئرنگ پلیٹ فارم انسٹاگرام نے صارفین کو اسکرین کی عادت سے چھٹکارا دلانے کے مشن پر کام شروع کردیا۔
انسٹاگرام کے سربراہ ایڈم موسیری نے اپنے ویڈیو بیان میں بتایا کہ ’ہم نے ایک نئے فیچر پر کام شروع کیا ہے، جو صارفین کو وقفہ لینے پر مجبور کرے گا‘۔
انہوں نے بتایا کہ اس فیچر کا نام ’ٹیک آ بریک‘ (وقفہ لیں) رکھا گیا ہے، جو صارفین کو اسکرین ٹائم سے فوری دور ہونے میں مدد کرے گا۔
سربراہ نے بتایا کہ اس فیچر کو صارفین اپنی مرضی کے مطابق خود ایکٹیو کرے گا، وہ اپنے حساب سے دس منٹ، بیس یا تیس منٹ کا وقفہ لے سکے گا اور پھر اپنے حساب سے ریمائنڈ بھی آن کرنا ہوگا۔
اس فیچر کے بعد صارفین کے موبائل یا کمپیوٹر پر ریمائنڈر آئے گا، جو انہیں استعمال سے رکنے کی یاددہانی کرائے گا۔
Testing “Take a Break” 🧑🔬
We started testing a new feature called “Take a Break” this week. This opt-in control enables you to receive break reminders in-app after a duration of your choosing.
I’m excited to dig into the results & hopefully launch this sometime in December. ✌🏼 pic.twitter.com/WdSTjL6ZdH
— Adam Mosseri 😷 (@mosseri) November 10, 2021
فی الحال اس فیچر پر کام جاری ہے، جسے تیاری کے بعد آزمائش کے لیے متعارف کرایا جائے گا اور کامیاب تجربے کے بعد اسے دنیا بھر کے صارفین استعمال کرسکیں گے۔
انسٹاگرام کے سربراہ نے امید ظاہر کی کہ یہ فیچر دسمبر کے آخر تک صارفین کے لیے دستیاب ہوگا۔