قومی ٹیم کے آل راؤنڈر صہیب مقصود کے گھر ننھی پری کی پیدائش ہوئی ہے۔
تفصیلات کے مطابق قومی ٹیم کے مڈل آرڈر بیٹر اور پی ایس ایل 7 میں ملتان سلطانز کی نمائندگی کرنے والے صہیب مقصود نے چند گھنٹوں قبل سماجی رابطے کی ویب سائٹ ٹویٹر پر بیٹی کی پیدائش پر اطلاع دی۔
صہیب نے لکھا کہ ’اللہ نے ہمیں اپنی رحمت (بچی) سے نوازا ہے، ننھی پری اور اہلخانہ کو اپنی دعاؤں میں یاد رکھیں۔
انہوں نے مزید لکھا کہ آج میں ٹیم (ملتان سلطانز) میں شامل ہونے کے لیے واپس لاہور جارہا ہوں۔
قومی کرکٹر نے ویڈیو شیئر کی جس میں دیکھا جاسکتا ہے کہ وہ ننھی پری کو پیار کررہے ہیں اور اس سے باتیں بھی کررہے ہیں، انہوں نے بیٹی کا نام ’انشا صہیب‘ رکھا ہے۔
صہیب مقصود کو بیٹی کی پیدائش پر ساتھی کرکٹر کی جانب سے مبارک باد دی جارہی ہیں اور ننھی انشا کو دعائیں بھی دی جارہی ہیں۔
Allah has blessed with his rehmat (baby girl) Ansha sohaib .. remember her and family in your dua❤️..going back to lahore to join my team @MultanSultans today.. pic.twitter.com/iwNX7Eh2rD
— Sohaib Maqsood (@sohaibcricketer) February 15, 2022