The news is by your side.

Advertisement

سہیل خان نے تباہی مچادی، سلیکٹرز کے دروازے پر دستک

ڈربی شائر: قومی ٹیم کے فاسٹ بولر سہیل خان نے پریکٹس میچ میں اپنی دھاک بٹھادی۔

تفصیلات کے مطابق قومی ٹیم کے فاسٹ بولر سہیل خان نے پریکٹس میچ میں اپنی اہلیت ثابت کرتے ہوئے سلیکٹرز کے دروازے پر دستک دے دی۔

انگلینڈ میں قومی ٹیم پریکٹس میچ میں مدمقابل ہے، پی سی بی ٹیم وائٹ کے سہیل خان کے طوفانی اسپیل کی بدولت ٹیم گرین صرف 113 رنز پر ڈھیر ہوگئی۔ سہیل خان نے 37 رنز کے عوض 5 کھلاڑیوں کو پویلین کی راہ دکھائی۔

ٹیم گرین نے ٹاس جیت کر بیٹنگ کا فیصلہ کیا تو 10 رنز پر ہی دو وکٹیں گنوا دی سہیل خان نے شان مسعود کو 9 اور عابد علی کو ایک رن پر چلتا گیا۔

اظہر علی الیون کی جانب سے بابر اعظم ٹاپ اسکورر رہے انہوں نے 77 گیندوں پر 32 رنز کی اننگز کھیلی، ان کی اننگز میں تین چوکے شامل تھے، گزشتہ میچ میں سنچری جڑنے والے محمد رضوان بھی صرف 18 رنز بنا کر چلتے بنے۔

میچ کی پہلی اننگز میں سہیل خان نے پانچ، فہیم اشرف نے دو، عمران خان اور کاشف بھٹی نے ایک، ایک وکٹ حاصل کی۔

رپورٹ کے مطابق سہیل خان نے گزشتہ تین پریکٹس میچز میں لگاتار پانچ وکٹیں حاصل کی ہیں۔

مداحوں ںے سوشل میڈیا پر سہیل خان کو انگلینڈ کے خلاف پہلے ٹیسٹ میچ میں شامل کرنے کا مطالبہ کیا ہے جبکہ سابق وکٹ کیپر راشد لطیف نے ازرائے مذاق لکھا کہ ’میرے چار سال لوٹا دو جیلر صاحب۔‘

href=”https://twitter.com/hashtag/PakvEng?src=hash&ref_src=twsrc%5Etfw”>#PakvEng #SohailKhan #Cricket

— Tanveer Ahmed (@ImTanveerA) July 24, 2020

Comments

یہ بھی پڑھیں