راولپنڈی: شمالی وزیرستان میں دہشت گردوں کی فائرنگ سے پاک فوج کا جوان شہید ہوگیا۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے شمالی وزیرستان کے علاقے میر علی میں خفیہ اطلاعات پر آپریشن کیا گیا، آپریشن کے دوران فورسز اور دہشت گردوں میں شدید فائرنگ کا تبادلہ ہوا۔
آئی ایس پی آر کے مطابق فائرنگ کے تبادلے میں نوشہرہ کے 23 سالہ سپاہی وحید خان شہید ہوگئے، علاقے میں ممکنہ دہشت گردوں کی تلاش کے لیے آپریشن جاری ہے۔
2 جولائی کو سکیورٹی فورسز نے شمالی وزیرستان کے علاقے غلام خان میں دہشت گردوں کی موجودگی کی اطلاع پر آپریشن میں تین شرپسندوں کو ہلاک کر دیا تھا۔
آئی ایس پی آر نے بتایا تھا کہ ہلاک دہشت گردوں سے اسلحہ اور گولہ بارود بھی برآمد ہوا، ہلاک دہشت گرد سکیورٹی فورسز کے خلاف کارروائیوں میں سرگرم تھے۔
