لاہور : وزیر اعلیٰ پنجاب عثمان بزدار نے کہا ہے کہ موجودہ حالات میں انتشار کی سیاست انتہائی نقصان دہ ہے ملک کو منفی سیاست نہیں بلکہ استحکام کی ضرورت ہے۔
تفصیلات کےمطابق وزیر اعلیٰ پنجاب سردار عثمان بزدار نے جاری بیان میں کہا ہے کہ کچھ عناصر نہیں چاہتے پاکستان ترقی کی راہ پر گامزن ہو انہیں سمجھنا ہوگا کہ ملک کو منفی سیاست نہیں بلکہ استحکام کی ضرورت ہے۔
وزیر اعلیٰ پنجاب کا کہنا تھا کہ اندرونی وبیرونی چیلنجزکےپیش نظر قومی مفادکوسامنےرکھناہوگا دھرتی ہم سےان حالات میں اتحاد،یگانگت کاتقاضاکرتی ہے۔
ان کا مزید کہنا تھا کہ قوم کی خاطر جوش کے بجائے ہوش کی راہ پرچلنا ہوگا، وطن عزیز کی ترقی کےلیے ہر ایک کو مثبت کردار ادا کرنا ہوگا۔
غریب لوگوں کی زندگی میں بہتری لانا حکومتی ترجیحات کا حصہ ہے، عثمان بزدار
یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔
وزیراعلیٰ پنجاب نے کہا کہ غربت کے خاتمے کے لیے معاشرے کا ہر فرد اپنا موثر کردار ادا کرے، غریبوں کی فلاح وبہبود کے ہر ممکن وسائل بروئے کار لائے جائیں گے۔
