ممبئی: بالی وڈ کی معروف اداکارہ سوناکشی سنہا نے اپنی شادی سے متعلق گردش کرنے والی افواہوں پر دلچسپ ردعمل کا اظہار کر دیا۔
بھارتی میڈیا کے مطابق سوناکشی سنہا کی شادی سے متعلق خبریں گردش کر رہی ہیں۔ گزشتہ روز اداکارہ سے محبت کا اظہار کرنے والا شخص سامنے آیا تھا۔
مزید پڑھیں: سلمان خان اور سوناکشی کی خفیہ شادی کی تصویر سامنے آگئی
فوٹو اینڈ ویڈیو شیئرنگ ایپلی کیشن انسٹا گرام پر سوناکشی سنہا نے ویڈیو پوسٹ کرتے ہوئے کیپشن میں لکھا ہے کہ جب شادی کا پرپوزل، مہندی اور سنگیت سب فکس کر ہی لیا ہے تو برائے مہربانی مجھے بھی بتا دیں۔
ویڈیو میں جب سوناکشی سنہا میڈیا سے پوچھتی ہیں کہ ”کیوں ہاتھ دھو کر میری شادی کروانا چاہتے ہو؟“ اس کے جواب میں میڈیا شاہ رخ خان کے مشہور ڈائیلاگ میں جواب دیتی ہے کہ ”اچھا لگتا ہے، مجھے بہت مزہ آتا ہے۔“
View this post on Instagram
گزشتہ روز سوناکشی سنہا کے دوست ظہیر اقبال نے انسٹاگرام پر اداکارہ کی سالگرہ کے موقع پر تصویر شیئر کر کے مداحوں کو حیران کر دیا تھا۔
ظہیر اقبال نے سوناکشی کو نہ صرف سالگرہ کی مبارک باد دی بلکہ ان سے محبت کا اظہار بھی کیا تھا۔ انہوں نے لکھا کہ ”سالگرہ مبارک ہو سوز، شکریہ مجھے نہ مارنے کے لیے، آئی لو یو۔“
سوناکشی کے دوست نے مزید لکھا کہ ”آپ کے لیے اور کھانے بھی ہیں، یہ ویڈیو اس وقت کی یاد دلاتی ہے جب سے ہم ایک دوسرے کو جانتے ہیں۔“
View this post on Instagram
