بالی ووڈ اداکارہ سوناکشی سنہا کی اداکارہ کترینہ کیف کو شادی کی مبارک باد نہ دینے کی وجہ سامنے آگئی۔
بھارتی میڈیا کے مطابق بالی ووڈ اداکارائیں کترینہ کیف اور سوناکشی سنہا انڈسٹری میں اچھی دوست ہیں اور دونوں کو اکثر اوقات ساتھ بھی دیکھا جاچکا ہے۔
لیکن سوناکشی سنہا کا کہنا تھا کہ کترینہ کیف کی شادی کے لیے بہت پرجوش ہیں اور وہ جوڑے کو ذاتی طور پر ملاقات کرکے ہی شادی کی مبارک باد دیں گی۔
سوناکشی نے بھارتی میڈیا سے گفتگو کی اور ساتھی اداکارہ کو فی الفور شادی کی مبارک باد دینے سے گریز کیا۔
سوناکشی کا کہنا تھا کہ میں ان کے لیے نیک خواہشات کا اظہار کرتی ہوں لیکن کترینہ اور وکی کوشل کو شادی کی مبارک باد ذاتی طور پر ملاقات کرکے ہی دوں گی۔
مزید پڑھیں: کترینہ کیف اور وکی کوشل شادی کے بندھن میں بندھ گئے
واضح رہے کہ وکی کوشل اور کترینہ کیف شادی کے بندھن میں بندھ گئے جس کی تصاویر اور ویڈیو بھی سامنے آگئیں۔
Here’s the first glimpse of #KatrinaKaif and #VickyKaushal as newly-weds. #VickatKiShaadi #vickykatrina #VickyKatrinaWedding #KatrinaVickyKiShadi
Credit: Instant Bollywood pic.twitter.com/wZGMVTjH0n— HT City (@htcity) December 9, 2021
دونوں اداکاروں کی شادی راجستھان میں ایک نجی تقریب میں ہوئی جس میں قریبی رشتہ داروں، دوست احباب اور کچھ شوبز شخصیات نے بھی شرکت کی۔
تصویر میں دیکھا جاسکتا ہے کہ وکی کوشل آف وائٹ شیروانی اور کلہ پہنے ہوئے ہیں جبکہ کترینہ کیف سرخ عروسی جوڑا زیب تن کی ہوئی ہیں۔