کراچی: اے آر وائی فلمز کے بینر تلے بننے والی فلم ’لاہور سے آگے‘ کا ایک اور گانا ’بے فکریاں‘ جاری کردیا گیا۔
کراچی میں ایک تقریب کے دوران گانے کی لانچنگ کی گئی۔ گانے کو آئمہ بیگ نے گایا ہے جبکہ موسیقی شیراز اوپل نے دی ہے۔ گانے کی شاعری شکیل سہیل کی تخلیق کردہ ہے۔ یہ گانا محمد جرجیس سیجا اور اسفند فاروق کی مشترکہ کاوش ہے۔
#LahoreSeAagey #pressconference #aryfilms #madeinpakistan!!
Releasing on 11th November 2016 pic.twitter.com/1ydcIhxGqj— ARY Films (@aryfilmsary) October 24, 2016
Your favourite Saba Qamar!!#LahoreSeAagey #pressconference #aryfilms #madeinpakistan @sabaqamarzaman pic.twitter.com/Q8bxzpU6Jm
— ARY Films (@aryfilmsary) October 24, 2016
#LahoreSeAagey #pressconference #aryfilms #madeinpakistan #Sabaqamar #YasirHussain @Jerjees pic.twitter.com/CPl9AFbMwh
— ARY Films (@aryfilmsary) October 24, 2016
گانا ’ بے فکریاں‘ صبا قمر پر فلمایا گیا ہے۔ صبا قمر فلم میں ایک موسیقار کا کردار ادا کر رہی ہیں جو اپنے اس شوق کی مستقل تکمیل کے لیے نہایت جنونی ہے۔
فلم ’لاہور سے آگے‘ اے آر وائی فلمز اور شوکیس فلمز کے مشترکہ تعاون سے بنائی جانے والی فلم ہے جس کے مرکزی کرداروں میں صبا قمر اور یاسر حسین شامل ہیں۔ فلم کے ڈائریکٹر وجاہت رؤف ہیں جبکہ یاسر حسین ہی فلم کے مصنف بھی ہیں۔
فلم ’لاہور سے آگے‘ اور ’کراچی سے لاہور‘ مختلف فلمیں *
فلم مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔ فلم میں پانچ گانے شامل کیے گئے ہیں۔ ایک آئٹم سانگ بھی شامل ہے جسے صبا قمر اور یاسر حسین پر فلمایا گیا ہے۔ فلم کی موسیقی شیراز اوپل نے ترتیب دی ہے۔
دیگر کرداروں میں بہروز سبزواری، روبینہ اشرف، عتیقہ اوڈھو، عبد اللہ فرحت اللہ اور عمر سلطان بھی شامل ہیں۔
اے آر وائی فلمز کی پیشکش ’لاہور سے آگے‘ رواں سال 11 نومبر کو سینما گھروں میں نمائش کے لیے پیش کردی جائے گی۔
