جائیداد کی لالچ میں بیٹوں کا خون سفید ہو گیا، دیپالپور میں بیٹوں نے جائیداد کیلئے اپنے باپ کو موت کے گھاٹ اتار دیا۔
تفصیلات کے مطابق ملک بھر میں جائیداد کے تنازعے پر گھروالوں کو موت کے گھاٹ اتارنے کے واقعات میں مسلسل اضافہ دیکھنے میں آ رہا ہے ، ایسے خوفناک واقعات عدم برداشت کی واضح مثال بھی ہیں۔
اس طرح کا واقعہ دیپالپور کے منڈی احمد آباد میں پیش آیا جہاں بیٹوں نے جائیداد کیلئے باپ کو قتل کردیا۔
پولیس کا بتانا ہے کہ مقتول محمد اکرم کے بھانجے کی مدعیت میں بیٹوں کیخلاف مقدمہ درج کرلیا گیا ہے جبکہ بھانجہ نے پولیس کو بتایا کہ مقتول محمد اکرم کے دوسری شادی کرنے پر بیٹوں کو رنج تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں