معروف پاکستانی اداکارہ سونیا حسین نے اپنا دیرینہ خواب پورا کرتے ہوئے اپنے والدین کے لیے گھر خرید لیا، گھر والوں کو سرپرائز دیتے ہوئے وہ جذباتی ہو کر آبدیدہ ہوگئیں۔
سونیا حسین نے سماجی رابطے کی ویب سائٹ انسٹاگرام پر ایک ویڈیو شیئر کی، ویڈیو میں وہ مٹھائی کے ڈبے لیے گھر میں داخل ہوتی دکھائی دے رہی ہیں۔
ان کے والد پوچھتے ہیں کہ کس چیز کی مٹھائی ہے پہلے بتاؤ پھر کھاؤں گا، جس پر وہ بتاتی ہیں کہ انہوں نے گھر خرید لیا۔
تمام گھر والے نہایت خوش ہوتے ہیں، اس موقع پر سونیا اور ان کے والد آبدیدہ بھی ہوجاتے ہیں۔
View this post on Instagram
ویڈیو کے کیپشن میں انہوں نے لکھا کہ ہر اولاد کی خواہش ہوتی ہے کہ وہ ماں باپ کے لیے کچھ اور نہ سہی مگر ایک چھوٹا سا گھر ضرور بنائیں، وہ گھر جسے دل سے وہ اپنا کہہ سکیں۔
اداکارہ نے لکھا کہ آج میری زندگی کا سب سے بڑا خواب حقیقت بن گیا، میرے امی ابو کا گھر آشیانہ تسنیم۔
سونیا نے اسے اپنی زندگی کا سب سے خوبصورت لمحہ قرار دیتے ہوئے لکھا کہ یہ ایسا یادگار لمحہ ہے جسے میں زندگی کی آخری سانس تک یاد رکھوں گی۔
ویڈیو میں ان کے نئے گھر کے مناظر بھی موجود ہیں جس میں ان کے والدین ربن کاٹ کر گھر میں داخل ہوتے ہیں۔