شوبز انڈسٹری کی معروف اداکارہ سونیا حسین نے پی ایس ایل 7 میں لاہور قلندرز کی کامیابی پر فواد رانا کو دلچسپ انداز میں مبارک باد پیش کردی۔
گزشتہ روز پاکستان سپر لیگ( پی ایس ایل) کے ساتویں ایڈیشن کے فائنل مقابلے میں لاہور قلندرز نے ملتان سلطانز کو 42 رنز سے شکست دے کر پہلی بار ٹائٹل اپنے نام کرلیا۔
لاہور قلندرز کے 181 رنز کے ہدف کے تعاقب میں ملتان سلطانز کی ٹیم 20 ویں اوور میں 138 رنزبناکر آؤٹ ہوگئی تھی، خوشدل شاہ 32 رنز بناکر نمایاں رہے تھے۔
🌟 The Qalandars Dream comes true after 7 years! 🌟 #HBLPSL7 l #LevelHai l #MSvLQ I #HBLPSLFinal pic.twitter.com/TVdLsf688T
— PakistanSuperLeague (@thePSLt20) February 27, 2022
لاہور قلندرز کو پہلی بار ایونٹ جیتنے پر جہاں کرکٹرز اور سوشل میڈیا صارفین کی جانب سے مبارک باد دینے کا سلسلہ جاری ہے وہیں معروف اداکارہ سونیا حسین نے بھی قلندرز کے فواد رانا کو دلچسپ انداز میں مبارک باد پیش کی۔
سونیا حسین نے انسٹاگرام اسٹوری میں لاہور قلندرز کو کامیابی پر مبارک باد دیتے ہوئے لکھا کہ ’آج رانا صاحب کو خوش دیکھ کر دل خوش ہوگیا۔‘
خیال رہے کہ پی ایس ایل کے رواں سال کے ایڈیشن میں بھی لاہور قلندرز کے فواد رانا گراؤنڈ سے غیرحاضر تھے جبکہ شائقین کی جانب سے ان کی گراؤنڈ میں موجودگی اور کرکٹ سے لگاؤ کو بے حد پسند کیا جاتا ہے۔
