The news is by your side.

Advertisement

جنوبی افریقی کرکٹر پر برطانیہ میں حملہ، حالت تشویش ناک

انگلینڈ میں جنوبی افریقا کی جانب سے انڈر 19 کھیلنے والے فاسٹ بولر مونڈلی خمالو ایک حملے میں شدید زخمی ہوگئے۔

غیر ملکی خبررساں ادارے کی رپورٹ کے مطابق 20 سالہ جنوبی افریقی کرکٹر پر برج واٹر کے علاقے میں فری آرن اسٹریٹ پر ایک قحبہ خانے کے باہر حملہ کیا گیا جس میں وہ شدید زخمی ہو گئے۔

مونڈلی خمالو پر حملے کے شبے میں ایک 27 سالہ شخص کو حراست میں لیا گیا تاہم بعدازاں اسے چھوڑ دیا گیا۔

ویب سائٹ کرک انفو کے مطابق بطور اوور سیز کھلاڑی اپنے پہلے دورے پر برطانیہ آنے والے نوجوان کرکٹر کی حالت خطرے میں ہیں۔

جنوبی افریقا کی جانب سے انڈر 19 کرکٹ کھیلنے والے مونڈلی خمالو اب تک 4 فرسٹ کلاس میچز اور ایک لسٹ اے میچ کھیل چکے ہیں۔

نارتھ پیتھرٹن کرکٹ کلب کا کہنا ہے کہ اپنے سب سے زیادہ پسند کیے جانے والے کرکٹر کے حملے میں زخمی ہو کر اسپتال منتقل ہونے پر بہت رنجیدہ ہیں اور کرکٹر کی جلد صحتیابی کے لیے پرامید ہیں۔

Comments

یہ بھی پڑھیں