کراچی: پی ایس ایل 6 میں کوئٹہ گلیڈی ایٹرز کی نمائندگی کرنے والے جنوبی افریقی فاسٹ بولر ڈیل اسٹین ناراض ہوگئے۔
تفصیلات کے مطابق پی ایس ایل میں کوئٹہ گلیڈی ایٹرز کے فاسٹ بولر ڈیل اسٹین کمنٹیٹر کی جانب سے بالوں پر تنقید برداشت نہ کرسکے۔
گزشتہ روز کوئٹہ گلیڈی ایٹرز اور پشاور زلمی کے میچ کے دوران نیوزی لینڈ کے کمنٹیٹر سائمن ڈول نے ڈیل اسٹین کے بالوں پر تنقید کی تھی۔
ڈیل اسٹین نے سماجی رابطے کی ویب سائٹ ٹویٹر پر سوال کیا کہ ’کون سے کمنٹیٹر نے میری ذاتیات کو نشانہ بنایا ہے؟‘
Got the clip pic.twitter.com/ZhjekK9rpD
— — (@_maaaaz) February 27, 2021
شائقین کرکٹ نے کمنٹیٹر سائمن ڈول کی ڈیل اسٹین کے بالوں پر تنقید کی نشاندہی کی تو اسٹین دوسرے ٹویٹ میں کمنٹیٹر کو کھری کھری سنادیں۔
ڈیل اسٹین نے لکھا کہ ’اگر آپ کا کام کمنٹری کرنا ہے تو اس پر توجہ دیں، کھیل پر تنقید کے بجائے تعصب دھانا یا حلیے پر بات کرنا ناقابل برداشت ہے۔
If your job is to talk about the game, then do that.
But if you use that airtime to abuse anyone for their weight, sexual choices, ethnic backgrounds, lifestyle etc or even hairstyles, then im afraid I have no time for you as a human.
You and anyone else like that to be fair.— Dale Steyn (@DaleSteyn62) February 27, 2021
واضح رہے کہ گزشتہ روز پشاور زلمی کے وہاب ریاض نے ڈیل اسٹین کے ایک اوورمیں دو چھکے لگائے تھے اور میچ میں کوئٹہ کو شکست کا سامنا کرنا پڑا تھا۔
