جنوبی افریقہ کی ویمنز کرکٹ ٹیم کپتان لورا وولوارٹ کی قیادت میں پاکستان پہنچ گئی۔
رپورٹس کے مطابق جنوبی افریقہ کی ویمنز کرکٹ ٹیم جوہانسبرگ سے براستہ دبئی لاہور کے علامہ اقبال انٹرنیشنل ایئر پورٹ پہنچی۔ ٹیم کو اب لاہور سے بذریعہ چارٹرڈ فلائٹ ملتان منتقل کیا جائے گا۔
جنوبی افریقہ کی ویمنز کرکٹ ٹیم پاکستان ویمنز ٹیم کے خلاف 16، 18 اور 20 ستمبر کو ملتان کرکٹ اسٹیڈیم میں 3 ٹی ٹوئنٹی انٹرنیشنل میچز کھیلے گی۔
دوسری جانب آئی سی سی نے ویمنز ٹی 20 ورلڈکپ کیلئے کم قیمت ٹکٹوں کا اعلان کر دیا ہے۔
تین اکتوبر سے متحدہ عرب امارات میں شروع ہونے والے ورلڈکپ میں کم از کم ٹکٹ 5 درہم کا ہو گا۔ 18سال سے کم عمر تماشائیوں کیلئے ٹورنامنٹ میں انٹری فری ہو گی۔10ٹیموں کا خواتین ٹی20 ٹورنامنٹ 3 سے 20 اکتوبر تک شارجہ اور دبئی میں کھیلا جائے گا۔
انٹرنیشنل کرکٹ کونسل (آئی سی سی) نے ویمنز ٹی 20 ورلڈ کپ بنگلہ دیش سے متحدہ عرب امارات (یو اے ای) منتقل کردیا ہے۔
بنگلادیشی کرکٹر نے پاکستان میں کیا وعدہ پورا کردیا
آئی سی سی کا کہنا ہے کہ بنگلہ دیش میں سیاسی صورتحال کی وجہ سے ایونٹ منتقل کیا گیا ہے، ایونٹ کی میزبانی کے حقوق بنگلہ دیش کے پاس ہی رہیں گے، کچھ ملکوں کی ٹریول ایڈوائزری کی وجہ سے بنگلا دیش میں ایونٹ ممکن نہیں تھا۔
