The news is by your side.

Advertisement

جنوبی کوریا : بغیر پائلٹ جدید ڈرون ٹیکسی کا کامیاب تجربہ

سیئول : جنوبی کوریا کے دارالحکومت سیئول میں ایک ڈرون ٹیکسی کا کامیاب تجربہ کیا گیا ہے، یہ ایشائی ملک 2025ء تک شہروں میں ڈرون پروازوں کے ذریعے فضائی ٹریفک عام کرنا چاہتا ہے۔

ہم نے فلموں میں تو اندرون شہر سفر کے لیے اڑنے والی کئی گاڑیاں دیکھی ہیں لیکن جنوبی کوریا کے دارالحکومت سیئول میں ڈرون ٹیکسی کی آزمائشی پرواز نے اب اسے حقیقت بنا دیا ہے۔

جنوبی کوریا میں بڑھتی ہوئی ٹریفک بہت بڑا مسئلہ ہے، لیکن حکمرانوں نے فیصلہ کیا ہے کہ اس بے ہنگم ٹریفک کو کنٹرول کرنے اور اس میں کمی لانے کیلئے ڈرون ٹیکسی کا تجربہ کیا جائے۔

اس حوالے سے غیر ملکی خبر رساں ادارے کا کہنا ہے کہ آئندہ پانچ سال تک ان ڈرون پروازون کا باقاعدہ آغاز کردیا جائے گا، جنوبی کوریا کے دارالحکومت سیئول میں چینی کمپنی نے ایک ڈرون ٹیکسی کا کامیاب تجربہ کیا گیا ہے۔ یہ ایشائی ملک 2025ء تک شہروں میں ڈرون پروازوں کے ذریعے فضائی ٹریفک عام کرنا چاہتا ہے۔

رپورٹ کے مطابق متعلقہ حکام کا کہنا ہے کہ اس بات کو یقینی بنایا جائے گا کہ یہ پروازیں مکمل محفوظ ہوں اور مسافروں وقت کا بچانے کا بھی باعث بنے۔

اس کے علاوہ سیئول ایئر پورٹ پر ان ڈرون ٹیسکیوں کا ٹرمینل بھی بنایا جائے گا جس کے باعث مسافر کم قوت میں اور بغیر کسی رکاوٹ کے ایئر پورٹ پہنچ جائیں گے۔

Comments

یہ بھی پڑھیں