The news is by your side.

Advertisement

ساؤتھمپٹن ٹیسٹ، پاکستان کو اننگز کی شکست کا خطرہ

ساؤتھمپٹن: پاکستانی ٹیم انگلینڈ کے خلاف آخری ٹیسٹ میچ کے تیسرے روز 273 رنز پر آل آؤٹ ہوکر فالو آن کا شکار ہوگئی۔

تفصیلات کے مطابق ساؤتھمپٹن ٹیسٹ کے تیسرے روز قومی ٹیم 273 رنز بنا کر آل آؤٹ ہوگئی، پاکستان کو انگلینڈ کی برتری ختم کرنے اور اننگز کی شکست سے بچنے کے لیے مزید 310 رنز درکار ہیں۔

اظہر علی اور محمد رضوان کے علاوہ کوئی بلے باز خاطر خواہ کارکردگی نہ دکھا سکا، اظہر علی 141 رنز بنا کر ناٹ آؤٹ رہے جبکہ محمد رضوان نے 53 رنز کی اننگز کھیلی۔

اوپنر علی 1، شان مسعود 4 اور بابر اعظم 11 رنز بنا کر چلتے بنے، اسد شفیق 5، فواد عالم 21 اور یاسر شاہ 20 رنز بنا کر آؤٹ ہوئے۔

انگلینڈ کی جانب سے جیمز اینڈرسن نے 5 کھلاڑیوں کو پویلین کی راہ دکھائی، اسٹیورٹ براڈ نے 2 وکٹیں حاصل کیں۔

واضح رہے کہ انگلش ٹیم نے اپنی پہلی اننگز 583 رنز 8 کھلاڑی آؤٹ پر ڈیکلیئر کردی تھی، پاکستان کو انگلش ٹیم کی برتری ختم کرنے کے لیے مزید 310 رنز بنانے ہیں۔

خیال رہے کہ گزشتہ روز انگلینڈ نے پہلی اننگز میں 8 وکٹوں پر 583 رنز بنا کر اننگز ڈکلیئر کر دی تھی، جواب میں پاکستان نے کھیل کھیل کے اختتام پر 3 وکٹوں کے نقصان پر 24 رنز بنائے تھے۔

واضح رہے کہ تین ٹیسٹ میچوں کی سیریز میں پاکستانی ٹیم پہلا میچ ہار گئی تھی جبکہ دوسرا میچ بارش کی نذر ہوگیا تھا، انگلینڈ کو تین میچز کی سیریز میں 1-0 کی برتری حاصل ہے۔

Comments

یہ بھی پڑھیں