لندن: ساؤتھ پورٹ میں حملہ کرکے تین بچوں کو قتل کرنے والے قاتل لڑکے کو عدالت نے 52 سال قید کی سزا سنا دی گئی۔
ساؤتھ پورٹ کے قاتل ایکسل روداکوبانا نامی نوعمر مجرم کو 3 بچیوں کے قتل کے جرم میں کم از کم 52 سال قید کی سزا سنائی گئی ہے، اب وہ ممکنہ طور پر اپنی ساری زندگی جیل میں گزارے گا، مجرم نے گزشتہ برس جولائی میں چاقو کے وار کر کے3 بچیوں کو قتل کیا تھا۔
برطانوی شہر میں ٹیلر سوئفٹ تھیمڈ ڈانس کلاس میں کے دوران 17 سالہ ایکسل نے تین کمسن لڑکیوں کو چھری کے وار سے قتل کیا تھا، مجرم کے چاقو حملے میں 6 بچے اور 2 افراد زخمی بھی ہوگئے تھے۔
عدالت نے مجرم کو سزا سنادی ہے، جج نے تصدیق کی کہ قاتل کے انتہا پسندانہ عزائم کے باوجود اسے عمرقید کی سزا نہیں دی جاسکتی کیونکہ حملے کے وقت وہ 17 سال کا تھا۔
ایکسل روداکوبانا جو کہ 18 سال کا ہوچکا ہے جج نے اسے ایک ساتھ سزا سنانے کا حکم دیا اور یہ بات تسلیم کی کہ نوعمر مجرم کو کبھی بھی رہا نہیں کیا جا سکتا، جسے مجموعی طور پر 52 سال قید کی سزائیں سنائی جارہی ہے۔
خیال رہے کہ برطانوی شہر ساؤتھ پورٹ میں چاقو سے حملے اور تین بچوں کی ہلاکت کے بعد پُرتشدد مظاہرے شروع ہوگئے تھے، مقامی مسجد کے باہر مظاہرین نے جلاؤگھیراؤ کیا تھا اور حملے کی کوشش کی تھی۔
عالمی میڈیا کا کہنا تھا کہ ساؤتھ پورٹ میں پولیس کی کئی گاڑیاں جلا دی گئی تھیں جبکہ 22 پولیس اہلکار بھی زخمی ہوئے تھے، شہری حملہ آور سے متعلق فیک نیوز وائرل ہونے پر مشتعل ہوئے تھے، بھارتی سوشل میڈیا اکاؤنٹ سے حملہ آور کو مسلمان ظاہر کیا گیا تھا۔
