لاہور : اسپیکر پنجاب اسمبلی سبطین خان نے اسمبلیاں تحلیل نہ کرنے کی خبروں کی تردید کرتے ہوئے کہا کہ عمران خان نے اسمبلیاں تحلیل نہ کرنے کی بات نہیں کی نہ ایسی نیت ہے۔
تفصیلات کے مطابق اسپیکر پنجاب اسمبلی سبطین خان نے اسمبلیاں تحلیل نہ کرنے کی خبروں کی تردید کردی۔
اسپیکر پنجاب اسمبلی نے میڈیا سے گفتگو کرتے ہوئے کہا کہ عمران خان نے اسمبلیاں تحلیل نہ کرنے کی بات نہیں کی نہ ایسی نیت ہے، عمران خان جب کہیں گے اسمبلیاں توڑ دیں گے۔
سبطین خان کا کہنا تھا کہ اسمبلیاں ضرور توڑیں گے اور جوآئینی و قانونی پیچیدگیاں ہیں حل کریں گے۔
انھوں نے دعویٰ کیا کہ ہمارے نمبرز پورے ہیں ، کوئی ایم پی ایز کو چھپانا چاہے تب بھی نہیں چھپیں گے۔
یاد رہے اس سے قبل اسپیکر پنجاب اسمبلی سبطین خان نے جنوری کا مہینہ اسمبلیاں توڑنے کے حوالے سے اہم قرار دیتے ہوئے کہا تھا کہ ہم چاہتے ہیں کہ اعتماد کا ووٹ لینے کے بعد اسمبلیاں توڑ دیں، ہم نئے انتخابات کی طرف جاناہ چاہ رہے ہیں۔
ان کا کہنا تھا کہ عمران خان کا موقف یہی ہے کہ اسمبلیاں توڑی جائیں، پرویز الٰہی کے پاس پورے ممبرز ہیں۔
