The news is by your side.

Advertisement

عثمان بزدار سے اسپیکر پنجاب اسمبلی کی ملاقات، مکمل تعاون کی یقین دہانی

مدینہ منورہ: وزیراعلیٰ پنجاب عثمان بزدار سے اسپیکر پنجاب اسمبلی چوہدری پرویزالہٰی کی ملاقات ہوئی اس دوران ملکی سیاسی صورت حال پر تبادلہ خیال کیا گیا۔

تفصیلات کے مطابق وزیراعلیٰ پنجاب سے مدینہ منورہ میں اسپیکر پنجاب اسمبلی نے ملاقات کی، اس موقع پر چوہدری پرویزالہٰی نے عثمان بزدار کو مکمل تعاون کی یقین دہانی کرادی۔

اسپیکر کا کہنا تھا کہ عثمان بزدار ہمارے وزیراعلیٰ ہیں، دو درجن ایم پی ایز کے نون لیگ سے رابطے کے بیان میں کوئی سچائی نہیں ہے۔

ان کا مزید کہنا تھا کہ ایسے حالات ہوئے تو نون لیگ کا بڑا گروپ پی ٹی آئی کے ساتھ ہوگا۔

ملاقات میں صوبائی وزیر معدنیات عمار یاسر بھی موجود تھے۔

نیب میں بہتری لانے کے لیے مخالف جماعتوں سے تعاون کو تیار ہیں، نعیم الحق

خیال رہے کہ گذشتہ روز مسلم لیگ ق کی قیادت سے ملاقات کے بعد مشترکہ پریس کانفرنس کرتے ہوئے نعیم الحق کا کہنا تھا کہ ’نیب چھوٹی چھوٹی شکایات پر بزنس کمیونٹی کو طلب کر تی ہے، تاجر برادری کو اس حوالے سے شکایات ہیں‘۔

تحریک انصاف کے رہنما کا کہنا تھا کہ ’کچھ لوگ نہیں چاہتےہمارا مسلم لیگ ق سے اتحادمضبوط ہو اس لیے سازش کے تحت افواہیں پھیلائی گئیں جبکہ حقیقت یہ ہے کہ ہمارے درمیان کوئی اختلاف نہیں، وزیر اعظم کی ہدایت پر چوہدری شجاعت سے ملنے آیا اور ہم چوہدری شجاعت کے بطور وزیراعظم تجربے سے فائدہ اٹھانا چاہتے ہیں‘۔

اس موقع پر مسلم لیگ ق کے سربراہ کا کہنا تھا کہ افواہیں پھیلانے والوں کاکام ہی صرف افواہیں پھیلاناہے، کچھ لوگ چاہتے ہیں ہمارے درمیان رخنہ ڈالیں مگر ہمارا اتحاد برقرار رہے گا کیونکہ دونوں جماعتوں نے متحد ہوکر ساتھ چلنے کا عہد کیا ہے‘۔

Comments

comments

یہ بھی پڑھیں