اسلام آباد : پی ٹی آئی ارکان کی قومی اسمبلی آمد پر اسپیکر راجہ پرویز اشرف نے کہا کہ فیصلہ کامتن پڑھنے کے بعد ماہرین سے رائے اور لائحہ عمل طے کریں گے۔
تفصیلات کے مطابق پی ٹی آئی ارکان کی قومی اسمبلی آمد پر اسپیکر راجہ پرویز اشرف کا ردعمل سامنے آگیا۔
اسپیکرقومی اسمبلی راجہ پرویز اشرف نے کہا ہے کہ لاہور ہائیکورٹ کا حکم موصول نہیں ہوانہ تفصیلات ملیں، فیصلہ کامتن پڑھنے کے بعد ماہرین سے رائے اورلائحہ عمل طے کریں گے۔
اس سے قبل پی ٹی آئی ارکان کی قومی اسمبلی کے اجلاس میں شرکت کے معاملے پر ذرائع قومی اسمبلی سیکریٹریٹ نے کہا ہے کہ لاہورہائی کورٹ کے فیصلے کی کاپی موصول نہیں ہوئی، پی ٹی آئی ارکان کو ایوان میں آنےکی اجازت نہیں۔
واضح رہے کہ گزشتہ روز لاہور ہائی کورٹ نے پاکستان تحریکِ انصاف کے 43 ارکانِ اسمبلی کو ڈی نوٹیفائی کرنے کا الیکشن کمیشن کا نوٹی فیکیشن معطل کردیا تھا۔
