قومی اسمبلی کے تاریخی اجلاس کے لئے خصوصی تیاریوں کا آغاز
The news is by your side.

Advertisement

قومی اسمبلی کے تاریخی اجلاس کے لئے خصوصی تیاریوں کا آغاز

اسلام آباد : قومی اسمبلی سیکرٹریٹ نے تاریخی اجلاس کے لئے خصوصی تیاریوں کا آغاز کردیا ہے، قومی اسمبلی کا افتتاحی اجلاس تیرہ اگست کی صبح دس بجے طلب کیا گیا ہے۔

تفصیلات کے مطابق اسلام آباد میں قومی اسمبلی کے تاریخی اجلاس کے لئے خصوصی اقدامات کئے جارہے ہیں ، 13 اگست کو ہونے والے افتتاحی اجلاس میں نومنتخب اراکین حلف اٹھائیں گے۔

اجلاس میں اسپیکر اور ڈپٹی اسپیکرکا انتخاب ہوگا، جس کے بعد وزیراعظم کا انتخاب عمل میں لایا جائے گا۔

اسپیکر قومی اسمبلی کے لئے تحریک انصاف نے اسد قیصرکو نامزد کردیا ہے جبکہ عمران خان قائد ایوان منتخب ہونے کے بعد اٹھارہ اگست کووزیراعظم کےعہدہ کا حلف اٹھائیں گے۔

قومی اسمبلی سیکریٹریٹ نے اراکین کی سہولت کے لئے اسمبلی کمیٹی روم نمبردو میں خصوصی استقبالیہ مرکز بھی بنا دیا گیا ہے جبکہ سروس برانچ میں کنٹرول روم قائم کردیا گیا ، ہر ممبرکو مہمانوں کے لئے دو گیلری کارڈ جاری کیے جائیں گے۔


مزید پڑھیں  :  صدر ممنون حسین نے 13اگست کوقومی اسمبلی کااجلاس طلب کرلیا


قومی اسمبلی سیکریٹریٹ نےنومنتخب ارکان کوسرکلرجاری کر دیا ہے، سیکرٹریٹ افتتاحی اجلاس کے سلسلے میں گیارہ اگست اوربارہ اگست کوکھلا رہے گا۔

واضح رہے نگراں وزیر اعظم نے صدر پاکستان ممنون حسین کو قومی اسمبلی کا اجلاس 13 اگست کو بلانے کی سمری ارسال کی تھی، جس کے بعد صدر مملکت ممنون حسین نے 13اگست کوقومی اسمبلی کااجلاس طلب کیا۔

صدر مملکت نے غیر ملکی دورہ بھی ملتوی کردیا، فیصلہ نگران وزیرقانون علی ظفر سے ملاقات میں ہوا تھا، صدرممنون حسین نے نجی دورےپر اسکاٹ لینڈجانا تھا۔

خیال رہے تحریک انصاف کے ترجمان فواد چوہدری کا کہنا تھا کہ یقین ہے پہلےمرحلےمیں ہی وزیراعظم کا فیصلہ ہوجائے گا، سادہ اکثریت کے لیے ایک سو باہتر ارکان کی حمایت چاہیے، پی ٹی آئی کے پاس تو ایک سو اکیاسی ووٹ ہیں۔

Comments

comments

یہ بھی پڑھیں