اسلام آباد : وزیراعظم شہباز شریف نے معاون خصوصی فہد حسین کی اہلیہ عائشہ فہد حسین کو اسلام آباد کلب کی منیجمنٹ کمیٹی میں شامل کرادیا۔
تفصیلات کے مطابق وزیراعظم شہبازشریف کا من پسند افراد پر نوازشات کا سلسلہ برقرار ہے، پہلے فہد حسین کو اپنا معاون خصوصی لگایا، اب ان کی اہلیہ عائشہ فہد حسین کو بھی عہدہ مل گیا۔
معاون خصوصی کی اہلیہ عائشہ فہد حسین کو اسلام آبادکلب کی منیجمنٹ کمیٹی میں شامل کردیا گیا۔
- Advertisement -
خیال رہے اسلام آباد کلب وفاقی حکومت کی ملکیت ہے اور ارکان پارلیمنٹ، سفارتکاروں اور ملک کے معززین کے حوالے سے جانا جاتا ہے۔
یاد رہے انتخابات سے پہلے اراکین قومی اسمبلی پر نوازشات کی بارش کردی گئی تھی ، عام انتخابات سے قبل ہر رکن قومی اسمبلی کو خصوصی اسکیمیں دی جائیں گی۔
