The news is by your side.

Advertisement

کروناوائرس: متحدہ عرب امارات میں غیرملکیوں کو خاص رعایت

ابوظہبی: کروناوائرس کے پیش نظر متحدہ عرب امارات میں کاغذی ویزے پر داخلے پر پابندی عائد ہے تاہم پاسپورٹ پر ’ثبت ویزے‘ والے مسافر یو اے ای میں داخل ہوسکیں گے۔

تفصیلات کے مطابق کروناوائرس سے متاثرہ تمام ممالک سفری پابندیاں سخت کررہے ہیں تاہم یو اے ای میں ثبت ویزہ رکھنے والے مسافروں کو خصوصی رعایت حاصل ہے۔ ان کے ملک میں داخلے پر کوئی پابندی نہیں ہے۔

کروناوائرس کے پیش نظر مختلف ملکوں نے سفری پابندیاں سخت کردی ہیں۔ کینیڈا، اومان سمیت یو اے ای نے بھی سیاحتی، وزٹ اور کاروباری ویزے پر پابندی عائد کررکھی ہے۔

متحدہ عرب امارات میں نئی پابندی عائد کردی گئی

کینیڈا میں 18مارچ سے تاحکم ثانی کینیڈین اور امریکی شہری یا سفارتی عملہ داخل ہوسکے گا۔جبکہ 17 مارچ سے اومان میں اومانی یا خلیجی شہریوں کے سوا کوئی داخل نہیں ہوگا۔

پاکستانی انٹرنیشنل ایئرلائن (پی آئی اے) کی 18مارچ کو ٹورنٹو کی پرواز وزٹ ویزے والوں کو نہیں لے جائے گی۔

ترجمان پی آئی اے نے شہریوں کو خصوصی ہدایت جاری کرتے ہوئے کہا ہے کہ سفری معلومات کے لیے پی آئی اے کال سینٹر سے رابطہ کیا جاسکتا ہے، وہ مسافر جو پابندی سے متاثر ہوں اپنے ٹکٹ تبدیل کرالیں۔

fb-share-icon0
Tweet 20

Comments

comments

یہ بھی پڑھیں