کویت : وزارتِ داخلہ کے سابق نائب سیکریٹری عجیل العجران کی وفات کے سلسلے میں جاری تعزیتی مجلس اور نماز کی ادائیگی کے دوران تیز رفتار گاڑی مکان میں داخل ہوگئی تاہم اس کے نیتجے میں کوئی جانی نقصان سامنے نہیں آیا۔
عرب میڈیا کے مطابق کویت میں ایک تیز رفتار گاڑی رہائشی اُس مکان کے اندر جا گھسی جہاں کویتی وزارت داخلہ کے سابق نائب سکریٹری عجیل العجران کی وفات کے سلسلے میں تعزیتی مجلس منعقد ہو رہی تھی۔ حادثہ شدید نوعیت کا تھا تاہم اس میں کوئی جانی نقصان نہیں ہوا۔
سکیورٹی ذرائع کے مطابق العجران کی تعزیتی مجلس میں جا گھسنے والی گاڑی کو العجران گھرانے کا بھارتی ڈرائیور چلا رہا تھا۔ گاڑی کے مکان کے اندر گھس جانے کے بعد اُس کا "ایکسیلریٹر” معطل ہو گیا تھا جب کہ اس دوران وہاں موجود افراد نماز ادا کر رہے تھے لہذا کسی قسم کا جانی نقصان نہیں ہوا۔
عرب میڈیا کے مطابق واقعے میں زخمی ہونے والے ڈرائیور کو طبی امداد کے لیے اسپتال منتقل کردیا گیا ہے ۔
