نئی دہلی : بھارتی فوج کے جنرل انیل چوہان کا ایک اور اعتراف بھارتی میڈیا کی زینت بن گیا، بھارت کا بیانیہ خود اس کے گلے پڑ گیا۔
تفصیلات کے مطابق بھارتی فوج کے جنرل انیل چوہان کا پاکستان ایئر فورس کے ہاتھوں طیاروں کی تباہی کے بعد ایک اور اعتراف سامنے آگیا۔
بھارتی چیف نے کہا کہ آپریشن سندور میں پندرہ فیصد وقت جعلی خبروں سے لڑنے میں ضائع ہوا۔
بھارت ریئل ٹائم انٹیگریشن کے دعوؤں سمیت میدان جنگ میں بری طرح بےنقاب ہوگیا، سائبر حملے،جھوٹی خبریں اور غیر حقیقی دعوے بھارت کا بیانیہ خود اس کے گلے پڑ گیا۔
بھارتی میڈیا مسلسل جھوٹی خبریں نشرکرتا رہا اور عوام کو بیوقوف بنایا گیا۔
مزید پڑھیں : بھارتی چیف آف ڈیفنس کا پاکستان ایئر فورس کے ہاتھوں طیاروں کی تباہی کا اعتراف
یاد رہے بھارتی چیف آف ڈیفنس اسٹاف جنرل انیل چوہان نے بلوم برگ کو انٹرویو میں پہلی بار پاکستان کے ساتھ جھڑپوں میں بھارتی طیاروں کی تباہی کا اعتراف کیا تھا۔
بھارتی چیف نے پاکستان کیخلاف حکمت عملی میں ناکامی کا اعتراف بھی کرتے ہوئے پاکستان کے ساتھ جھڑپوں میں لڑاکا طیارے کھوئے ہیں۔
خیال رہے آپریشن سندور کے دوران نقصانات کے حقائق چھپانے پر مودی سرکار کو شدید تنقید کا سامنا ہے۔
