لاہور : ترجمان پنجاب حکومت مسرت چیمہ نے کہا ہے کہ آٹے کے بعد اب خوردنی تیل کا بحران سر اٹھا رہا ہے۔
تفصیلات کے مطابق ترجمان پنجاب حکومت مسرت چیمہ نے سماجی وانبے کی ویب سائٹ ٹوئٹر پر جاری پیغام میں کہا کہ ہردن اس ملک کی عوام پر مہنگائی کا نیا بم گرایاجاتا ہے۔
مسرت چیمہ کا کہنا تھا کہ پہلے ہی پٹرول و ڈیزل مہنگا ہونے سے پیداواری سیکٹر بند ہو رہا ہے، اب بھی مزید مہنگی کی جا رہی ہے۔
انہوں نے ٹوئٹ میں مزید لکھا کہ دوسری طرف خوردنی تیل کابحران سر اٹھارہا ہے، پاکستان کو ارادی طور پر نقصان پہنچایا جارہا ہے۔
اس سے قبل انہوں نے ٹوئٹ میں کہا تھا کہ پاکستان کے زرمبادلہ کے ذخائر 4.5 ارب ڈالر سے کم ہیں. ابھی بھی حکومتی صفوں میں کوئی بےچینی نہیں ہے۔
ترجمان پنجاب حکومت نے کہا کہ یہ لوگ صرف اس بات پر مطمئن ہیں کہ ان کی، کرپشن کے مقدمات ختم ہو رہے ہیں اور ان کے کمشن بن رہے ہیں۔
ترجمان پنجاب حکومت مسرت چیمہ نے مزید کہا کہ اس وقت ملک میں بھوک کا راج ہے اور اگر فوری طور پر نہ جاگے تو عوام خود فیصلہ کرے گی۔
