پیر, مئی 20, 2024
اشتہار

ملت ایکسپریس واقعہ : خاتون کی موت کے حوالے سے ترجمان ریلویز کا اہم بیان آگیا

اشتہار

حیرت انگیز

ترجمان ریلویز بابر رضا کا ملت ایکسپریس واقعے میں خاتون کی موت کے حوالے سے اہم بیان سامنے آگیا اور کہا خاتون کی خودکشی ہے یا قتل اس نتیجے پر ابھی نہیں پہنچے۔

تفصیلات کے مطابق ترجمان ریلویزبابررضا نے اے آر وائی نیوز کے پروگرام باخبر سویرا میں ملت ایکسپریس واقعے کے حوالے سے گفتگو کرتے ہوئے بتایا کہ خاتون کی خودکشی ہےیاقتل اس نتیجےپرابھی نہیں پہنچے، خاتون کی موت سے متعلق تحقیقات ابھی جاری ہیں۔

بابررضا کا کہنا تھا کہ کانسٹیبل کی ڈیوٹی کراچی سے حیدرآبادتک ڈیوٹی تھی، حیدرآباد کے بعد کسی نےمتعلقہ اہلکارکوٹرین میں نہیں دیکھا، کانسٹیبل کا کال ڈیٹا ریکارڈ بھی چیک کروایاہے۔

- Advertisement -

ترجمان ریلویز نے کہا کہ مسافروں نے بیان دیاکہ خاتون نےٹرین سے چھلانگ لگائی، خاتون ٹرین میں کسی دوسرے شخص کی سیٹ پربیٹھی تھی، مسافرنےخاتون کی منت سماجت کی جب معاملہ حل نہ ہوپایاتوپولیس کوبلایا۔

ان کا مزید کہنا تھا کہ ٹرین میں ایسا واقعہ ہرگزنہیں ہوناچاہیےتھا، کانسٹیبل کو معطل کیاگیا،گرفتاری حیدرآبادسےہوئی، کانسٹیبل کی ضمانت کینسل کرانے کیلئے آج دوبارہ عدالت جائیں گے۔

بابررضا نے بتایا کہ مسافروں نےکہاکس طرح کےپولیس اہلکارہیں جوخاتون کوسیٹ سےہٹانہیں پارہے،مسافر30منٹ تک خاتون کی منت کرتارہا لیکن خاتون سیٹ سےنہیں اٹھی، خاتون کودوسرےڈبےمیں شفٹ کیاگیا،مسافروں کابھی بیان موجودہے اور مسافروں نے تحقیقاتی کمیٹی کو بیان دیا ہے۔

خاتون بغیر ٹکٹ سفر کررہی تھیں، ہم کسی صورت کانسٹیبل کےساتھ نہیں،مسافرکےساتھ ہیں، اگلے48گھنٹےمیں تحقیقات مکمل ہوجائے گی، ریلوے خود اپنا ریونیو جنریٹ کرتاہےاورپھرمزیدمنصوبےبناتاہے۔

ٹرین کے ڈبے میں موجودمسافروں نے کہاخاتون نے چھلانگ لگادی، خاتون کے بھتیجےکوبلاکربیان لیاجائےگا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں