بھارت کے ایشیا کپ کیلیے پاکستان آنے سے انکار کے بعد ایونٹ کے انعقاد پر غیر یقینی کے سائے منڈلا رہے ہیں ایسے میں سری لنکن بورڈ نے میزبانی کی پیشکش کر دی ہے۔
ایشیا کپ رواں سال ستمبر میں پاکستان میں شیڈول ہے تاہم اس میں شرکت کے لیے بھارت کے پاکستان آنے سے انکار کے بعد ایونٹ کے انعقاد پر غیر یقینی کے بادل چھائے ہوئے ہیں ایسے میں سری لنکا نے ایشیا کپ کی میزبانی کی پیشکش کر دی ہے۔
سری لنکن بورڈ کے سیکریٹری موہن ڈی سلوا کا کہنا ہے کہ ہم ایشیا کپ کرانے کے لیے تیار ہیں، میزبانی کے حقوق پاکستان کو ہی ملیں گے۔
دوسری جانب غیر ملکی میڈیا کے مطابق سری لنکا اور بنگلہ دیش نے پاکستان کے ہائبرڈ ماڈل کو مسترد کر دیا ہے جس میں کہا گیا تھا کہ بھارت اپنے میچ نیوٹرل وینیو پر کھیلے اور باقی ٹیمیں پاکستان میں ایشیا کپ کھیلیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں