معاشی بحران سے بُری طرح سے متاثر سری لنکا نے روس سے مدد مانگتے ہوئے تیل ادھار پر دینے کی درخواست کر دی ہے۔
سماجی رابطے کی ویب سائٹ ٹوئٹر پر سری لنکا کے صدر گوتابا راج پکشے نے لکھا کہ روسی ہم منصب ولادیمیر پیوٹن سے ٹیلی فون پر نتیجہ خیز گفتگو ہوئی ہے۔
”ماضی کے چیلنجز پر قابو پانے کے لیے روسی حکومت کی طرف سے فراہم کردہ تمام تعاون کا شکریہ ادا کیا اور موجودہ اقتصادی چیلنج سے نمٹنے کے لیے ادھار پر تیل دینے کی درخواست کی ہے“۔
سری لنکن صدر نے ایک اور ٹوئٹ میں لکھا کہ میں نے روس سے درخواست کی ہے کہ ماسکو اور کولمبو کے درمیان روس کی ایئر لائن ایروفلوٹ کی پروازوں کو دوبارہ بحال کیا جائے۔
ٹیلی فونک رابطے میں دونوں رہنماؤں نے متفقہ طور پر سیاحت، تجارت اور ثقافت جیسے شعبوں میں دو طرفہ تعلقات کو مضبوط بنانے پر اتفاق کیا۔
2/2
Further, I humbly made A request to restart @Aeroflot_World operations in #lka. We unanimously agreed that strengthening bilateral relations in sectors such as tourism, trade & culture was paramount in reinforcing the friendship our two nations share.— Gotabaya Rajapaksa (@GotabayaR) July 6, 2022
