کولمبو: سری لنکن کرکٹ بورڈ نے پاکستان کے خلاف ٹیسٹ سیریز کے لیے اسکواڈ کا اعلان کردیا، سری لنکن ٹیم کی قیادت کرونارتنے کریں گے۔
تفصیلات کے مطابق پاکستان میں دس سال بعد ٹیسٹ کرکٹ کا میدان سجے گا جہاں قومی ٹیم سری لنکن ٹیم سے ٹکرائے گی، سری لنکا کی جانب سے کون کون ان ایکشن ہوگا، بورڈ نے اسکواڈ کا اعلان کردیا۔
کرونارتنے کی کپتانی میں اوشاکافرنینڈو، کوشال مینڈس، اینجلومیتھیوز ٹیم میں شامل ہیں۔ جبکہ دنیش چندیمل، کوشال پریرا، لہیرو تھریما کو بھی اسکواڈ کا حصہ رکھا گیا ہے۔
Sri Lanka Test Squad for Pakistan Tour 2019;
D Karunaratne – Capt
O Fernando
Kusal Mendis
A Mathews
D Chandimal
Kusal Perera
L Thirimanne
Dhananjaya De Silva
N Dickwella
Dilruwan Perera
L Embuldeniya
S Lakmal
L Kumara
Vishwa Fernando
K Rajitha
L Sandakanhttps://t.co/24jE2kADcG— Sri Lanka Cricket 🇱🇰 (@OfficialSLC) November 29, 2019
دھننجیا ڈی سلوا، ڈیک ویلا، دلروان پریرا، امبلدینیا، سورنگا لکمل، وشوافرنینڈو بھی، لہرو کمارا، لکشن سنداکن اور کاسن رجیتھا بھی 16رکنی اسکواڈ میں شامل ہیں۔ شائقین کرکٹ ملک میں ٹیسٹ کرکٹ کی دس سال بعد بحالی پر بے حد خوش ہیں۔
10 سال بعد پاکستان میں ٹیسٹ کرکٹ کی واپسی
قومی کرکٹ ٹیم سیریز میں شامل دونوں ٹیسٹ میچز ہوم کراؤڈ کے سامنے کھیلے گی، سری لنکا ٹیسٹ کرکٹ ٹیم دسمبر میں پاکستان آئے گی، آئی سی سی ٹیسٹ چیمپئن شپ کے میچز راولپنڈی اور کراچی میں ہوں گے۔
دونوں ٹیموں کے درمیان پہلا ٹیسٹ 11سے 15دسمبر تک راولپنڈی اسٹیڈیم میں کھیلا جائے گا جبکہ دوسرا میچ 19سے23 دسمبر تک نیشنل اسٹیڈیم کراچی میں ہوگا، پاکستان اور سری لنکا کے درمیان ٹی ٹوئنٹی اور ون ڈے سیریز کے بعد ہی ٹیسٹ شیڈول بھی زیرغور تھا۔
