The news is by your side.

Advertisement

ایس ایس پی راؤ انوار کو بحال کردیا گیا

کراچی : وزیراعلیٰ سندھ کی جانب سے چند ماہ قبل سبکدوش کیے گئے ایس ایس پی ملیر راؤ انوار کو بحال کردیا گیا ہے۔

تفصیلات کے مطابق سندھ پولیس کے معروف ایس ایس پی راؤ انوار کو ان کے عہدے پر بحال کردیا گیا ہے جس کا اعلامیہ بھی جاری کردیا گیا ہے,راؤ انوار کو دو ماہ قبل ان کے عہدے سے سبکدوش کردیا گیا تھا۔

اسی سے متعلق : پولیس کے ہاتھوں خواجہ اظہار گرفتار، ایس ایس پی راؤ انوار معطل

ذرائع کا کہنا ہے کہ ایس ایس پی راؤ انوار کی بحالی کا فیصلہ کئی روز قبل کر لیا گیا تھا لیکن کچھ ناگزیر وجوہات کی بناء پر یہ فیصلہ تعطل کا شکار رہا تام اب باقاعدہ طور پر سرکاری اعلامیہ بھی جاری کردیا گیا ہے۔

notification

ذرائع کا کہنا ہے کہ راؤ انوار کی بحالی کا تو اعلامیہ جاری کردیا گیا ہے لیکن ابھی ان کی پوسٹنگ کا فیصلہ نہیں کیا گیا ہے دیکھنا یہ ہے کہ راؤ انوار کو دوبارہ ضلع ملیر بھیجا جاتا ہے یا کسی اور جگہ تعینات کیا جاتا ہے۔

واضح رہے چند ماہ قبل راؤ انوار کی جانب سے سندھ اسمبلی میں قائد حزب اختلاف خواجہ اظہار الحسن کے گھر چھاپے اور بعد ازاں اُن کی گرفتاری کے بعد وزیر اعلیٰ سندھ نے فوری ایکشن لیتے ہوئے ایس ایس پی ملیر کو معطل کردیا تھا اور خواجہ اظہار الحسن کو رہائی دلوائی تھی۔

Print Friendly, PDF & Email

Comments

comments

یہ بھی پڑھیں