لاہورمیں اسٹیج اداکارہ قاتلانہ حملے میں زخمی -
The news is by your side.

Advertisement

لاہورمیں اسٹیج اداکارہ قاتلانہ حملے میں زخمی

لاہور: شہرِ ثقافت میں ایک اداکارہ اندھی گولیوں کا نشانہ بن گئی‘ ا داکارہ اور ان کے سیکریٹری کو زخمی حالت میں رات گئے اسپتال منتقل کیا گیا۔

تفصیلات کے مطابق رات گئے ایونٹ سے واپسی پر نامعلوم افراد نے مقامی اسٹیج اداکارہ قسمت بیگم پر لاہور کے علاقے ہربنس پورہ میں فائرنگ کردی جس کے نتیجے میں وہ اور ان کے سیکرٹری زخمی ہوگئے۔

اداکارہ کو زخمی حالت میں سروسز اسپتال منتقل کیا گیا جہاں انہیں فی الفور ابتدائی طبی امداد فراہم کی گئی‘ ڈاکٹروں کے مطابق ان کی ٹانگ میں چار گولیا ں لگی ہیں۔

مزید پڑھیں: فیصل آباد میں اسٹیج اداکارہ پر قاتلانہ حملہ

 پولیس کے مطابق واقعے کی تحقیقات جاری ہیں اورحملے میں ملوث ملزمان جلد ہی پولیس کے شکنجے میں ہوں گے۔

پولیس حکام کے مطابق ابھی تک کسی بھی شخص نے واقعے کی ایف آئی آردرج نہیں کرائی ہے۔

یہ بھی پڑھیں: معروف اسٹیج اداکارہ گھر میں پراسرار طور پر ہلاک

 یاد رہے کہ گزشتہ ماہ فیصل آباد میں واقع نشاط تھیٹر کے سامنے مسلح افراد نے مقامی اسٹیج اداکارہ بے بی جان پر فائرنگ کرکے با آسانی فرار ہوگئے۔ اس حملے میں بھی اداکارہ کی ٹانگ کو ہی نشانہ بنایا گیا تھا ، تاہم ابھی اس بات کی تصدیق نہیں کی جاسکتی کہ دونوں واقعات میں مماثلت محض اتفاقی ہے یہ ان کے پیچھے ایک ہی شخص یا گروہ کا ہاتھ ہے۔
qismat-1

واضح رہے کہ ماضی میں بھی اس نوعیت کے واقعات پیش آچکے ہیں ۔ اگست 2015 میں پشتو ٹیلی فلموں کی اداکارہ مسرت شاہین کو دن دھاڑے نامعلوم مسلح افراد نے فائرنگ کرکے قتل کردیا تھا۔

Comments

comments

یہ بھی پڑھیں