صوبہ پنجاب کے شہر راجن پور میں مسلم لیگ (ن) کی نائب صدر مریم نواز کی تقریر کے دوران اچانک اسٹیج گر گیا جس کی ویڈیو سوشل میڈیا پر گردش کر رہی ہے۔
ویڈیو میں دیکھا جا سکتا ہے کہ مریم نواز اسٹیج پر کھڑی ہاتھ میں مائیک لیے خطاب کر رہی ہیں جبکہ اسٹیج پر دیگر افراد بھی موجو ہیں۔
اسٹیج لوگوں کا وزن برداشت نہ کر سکا اور اچانک ٹوٹ گیا جس سے مریم نواز بھی لڑکھڑا گئیں۔ بعد ازاں انہوں نے ٹوٹے ہوئے اسٹیج پر ہی اپنا خطاب مکمل کیا۔
مریم نواز کا راجن پور میں دوران خطاب اسٹیج گر گیا pic.twitter.com/4jnrKDR9d3
— Hasnain Ali Banani (@BananiHasnain) August 31, 2022
دوسری جانب چوٹی زیریں میں صحافیوں سے گفتگو کرتے ہوئے مریم نواز نے کہا کہ مسلم لیگ (ن) سیلاب متاثرین کے لیے دن رات کام کر رہی ہے، پنجاب میں ہماری حکومت ہو یا نہ ہو لیکن ہم کام کریں گے، پوری کوشش ہوگی کہ سیلاب متاثرین کی بھر پور مدد کی جائے۔
ان کا کہنا تھا کہ دُکھ کی گھڑی میں سیلاب متاثرین کے ساتھ ہیں، نواز شریف نے مجھے کہا کہ سیلاب متاثرین کے پاس جاؤ، متاثرین کی تکلیف دور کرنے کے لیے جو ہوا وہ کریں گے، آپ کے گھر بنائیں گے اور ازالہ بھی کریں گے۔
