ریوڈی جینرو: برازیل کے معروف فٹ بالر کی معمولی غلطی نے اسٹار فٹ بالر کو پریشان کردیا ہے۔
بین الاقوامی میڈیا رپورٹ کے مطابق برازیل کے فٹ بالر نیمار نے غلطی سے دنیا کے اسٹار فٹ بالر رچرلسن کا نام ویڈیو کے ساتھ پبلش کردیا، پھر کیا تھا سوشل میڈیا صارفین نے صرف پانچ منٹ میں اپنے ہیرو کو دس ہزار پیغامات بھیج دئیے۔
اسٹار فٹ بالر رچرلسن نے جب اپنا موبائل فون ہاتھ میں لیا تو یہ دیکھ کر حیرت زرہ ہوئے کہ محض پانچ منٹ کے دوران دس ہزار پیغامات موصول ہوئے، جس پر انہوں نے کہا کہ کچھ گڑبڑ ضرور ہے، مسلسل پیغامات موصول ہونے کے باعث انہوں نے سماجی رابطے کی ویب سائٹ پر اپنی ناراضگی کا اظہار کیا۔
معروف فٹ بالر کا نمبر سوشل میڈیا پر کیسے وائرل ہوا، جس کی وجہ یہ تھی کہ برازیل کے اسٹار فٹ بالر نیمار ویڈیو کانفرسنگ کے دوران نے ایک ویڈیو بنائی ، جس میں فون کا اسکرین نظر آرہا ہے اور اسکرین پر رچرلسن کا نام ان کے نمبر کے ساتھ بھی نظر آرہا ہے، بعد ازاں نیمار نے اپنی غلطی کا اعتراف کرتے ہوئے کہا یہ سب میری غلطی سے ہوا، رچرلسن لگتا ہے اب تہمیں نمبر تبدیل کرنا پڑے گا۔
نیمار کی اس غلطی پر مداحوں کے ہاتھ کوئی انمول چیز آگئی، جس پر انہوں نے اسٹار فٹ بالر کو دس ہزار پیغامات بھیجے، ان پیغامات سے تنگ آکر رچرلسن نے اپنے مداحوں پر غصہ کا اظہار بھی کیا۔
