آسٹریلیا کے اسٹار فاسٹ بولر مچل اسٹارک بھی دورہ پاکستان کے لیے تصدیق نہ کر سکے۔
مڈل آرڈر بلے باز میکسویل کے بعد مچل اسٹارک بھی دورہِ پاکستان کے لیے حتمی جواب دینے کے بجائے دیکھو اور انتظار کرو کی پالیسی پر گامزن ہیں۔
31سالہ فاسٹ بولر نے اس بات کی تصدیق یا تردید نہیں کی کہ وہ رواں سال مارچ اپریل میں شیڈول دورہ پاکستان کے اسکواڈ کا حصہ ہوں گے۔
انگلینڈ کے خلاف ایشز سیریز کے پانچویں میچ سے قبل گفتگو کرتے ہوئے اسٹارک سے ان کے دورہ پاکستان کی دستیابی سے متعلق سوال کیا گیا تو انہوں نے جواب گول کر دیا۔
اسٹارک نے کہا کہ میرا خیال ہے تمام کھلاڑیوں کو اس بارے میں سوچنے دیا جائے اس ہفتے کے آخر میں ہمارا میچ ہے جس میں پرفارم کرنا ہے اس کے بعد ہی دیکھیں گے کہ آگے کیا ہوگا۔
کرکٹ آسٹریلیا (سی اے) اور آسٹریلین کرکٹرز ایسوسی ایشن (اے سی اے) نے کھلاڑیوں کو گزشتہ ماہ پاکستان کے دورے کے بارے میں آگاہ کیا تھا اور ایسوسی ایشن کو ہر کھلاڑی کے دورہ پاکستان کی توقع نہیں ہے؟
