اسٹیٹ بینک نے پیمنٹ آرڈر اور ڈیمانڈ ڈرافٹ سے متعلق ہدایات جاری کردیں -
The news is by your side.

Advertisement

اسٹیٹ بینک نے پیمنٹ آرڈر اور ڈیمانڈ ڈرافٹ سے متعلق ہدایات جاری کردیں

کراچی : بینک دولت پاکستان نے پیمنٹ آرڈر اور ڈیمانڈ ڈرافٹ کے ڈیزائن اور سیکورٹی خصوصیات کی معیار بندی کے بارے میں رہنما ہدایات جاری کی ہیں۔ اس کا مقصد دھوکہ دہی، اور پیمنٹ آرڈر اور ڈیمانڈ ڈرافٹ میں جعلسازی کے خطرے کا سدِ باب کرنا اور عوام کے مفاد کا تحفظ کرنا ہے۔

رہنما ہدایات کے تحت ضروری ہے کہ پیمنٹ آرڈر اور ڈیمانڈ ڈرافٹ کی طباعت میں استعمال ہونے والے کاغذ میں ’’کم سے کم سیکورٹی خصوصیات ‘‘استعمال کی جائیں جو واٹر مارک، جعلسازی سے محفوظ روشنائی )، الٹرا وائلٹ فائبر وغیرہ ہیں۔

ڈیزائن کے معاملے میں یہ چیزیں متعارف کرائی گئی ہیں:

میگنیٹک انک کیریکٹر ریکگنشن لائن، کی بینک برانچ کا نام (ڈیمانڈ ڈرافٹ کی صورت میں)، خرید کنندہ کے ریکارڈ کی متعلقہ بینک برانچ کی طرف سے خبر گیری وغیرہ۔

اس کے علاوہ صارفین کی سہولت کے لئے بینکوں/ مائیکرو فنانس بینکوں کو ہدایت کی گئی ہے کہ پیمنٹ آرڈر اور ڈیمانڈ ڈرافٹ کے مستند ہونے کی تصدیق کے لیے ایک مرکزی طریقہ کار وضع کریں۔

اس سلسلے میں بینکوں کو چوبیس گھنٹے اور ساتوں دن دستیاب رہنے والی ہیلپ ڈیسک/ کال سینٹرقائم کرنے ہوں گے تاکہ ان کاغذات کا حامل شخص ان کے مستند ہونے کی تصدیق آسانی کے ساتھ کر سکے۔

مذکورہ شخص اگر خود کسی بینک کی ایسی برانچ پہنچ جائے جو آن لائن بینکاری خدمات فراہم کرتی ہو تو وہ برانچ پیمنٹ آرڈر /ڈیمانڈ ڈرافٹ کے مستند ہونے کی تصدیق کرے گی۔

بینکوں سے کہا گیا ہے کہ وہ اپنے عملے کی مناسب تربیت کا بھی انتظام کریں تاکہ وہ پیمنٹ آرڈر /ڈیمانڈ ڈرافٹ کی سیکورٹی خصوصیات/ مستند ہونے کا جائزہ لے سکے اور تصدیق کر سکے۔

Comments

comments

یہ بھی پڑھیں