کراچی: اسٹیٹ بینک نے وزیرخزانہ اسحاق ڈارکے مؤقف کی نفی کرتے ہوئے روپے کی قدر میں کمی کو درست قرار دیتے ہوئے بیرونی خسارے کو ڈالر کی قدر میں اضافے کی وجہ قراردے دیا، اسٹیٹ بینک کا کہنا ہے کہ موجودہ ایکسچینج ریٹ معاشی صورتحال سے ہم آہنگ ہے۔
تفصیلات کے مطابق روپے کی قدر میں کمی پراسٹیٹ بینک میں ہنگامی اجلاس منعقد ہوا، اجلاس میں ڈالر کی قدر میں غیرمعمولی اضافہ پر وزیر خزانہ کے بیان سے عدم اتفاق کیا گیا۔
اسٹیٹ بینک کے مطابق انٹربینک میں روپے کے مقابلے میں ڈالر کے ایکسچینج ریٹ میں 3.1فیصد تبدیلی ہوئی، جس کے بعد ڈالر104.90روپے سے بڑھ کر108.25روپے کا ہوگیا۔
بیرونی کھاتے کاخسارہ بڑھنے سے بھی ایکسچینج ریٹ میں کمی ہوئی، ایکسچینج ریٹ میں کمی بیرونی کھاتے میں عدم توازن کو کم کرے گی۔
پاکستانی روپے کی قدرمیں کمی، ڈالر 109 روپےکا ہوگیا
اسٹیٹ بینک کے مطابق موجودہ ایکسچینج ریٹ معاشی صورتحال سے ہم آہنگ ہے، لہٰذا روپے کی قدر میں کمی کو درست اقدام ہے۔
ڈالر کی قیمتوں میں اضافہ، اسحاق ڈار حرکت میں آگئے
واضح رہے کہ انٹربینک مارکیٹ میں روپے کے مقابلے ڈالرکی قدر میں3روپے35پیسے اضافہ ہوا، وزیر خزانہ نے سیاسی صورتحال اوربینکوں کو روپے کی قدرمیں کمی کاذمہ دارٹھہرایا تھا۔
