سرسید احمد خان کی خدمات، اسٹیٹ بینک کا اعزازی سکہ جاری کرنے کا اعلان -
The news is by your side.

Advertisement

سرسید احمد خان کی خدمات، اسٹیٹ بینک کا اعزازی سکہ جاری کرنے کا اعلان

اعزازی سکہ سرسید کی 200ویں سالگرہ کے موقع پر جاری کیا جائے گا

کراچی: قومی بینک دولت پاکستان نے سرسید احمد خان کی خدمات کے اعتراف میں 50 روپے کا یادگاری سکہ جاری کرنے کا اعلان کردیا۔

اسٹیٹ بینک آف پاکستان کی جانب سے جاری اعلامیے کے مطابق سرسید احمد خان انیسویں صدی کے مفکر ، ماہر تعلیم اور مسلمان مصلح تھے جنہوں نے برصغیر پاک و ہند میں دو قومی نظریے کا ابتدائی تصور پیش کرتے ہوئے مسلمانوں میں شعور بیدار کیا۔

سرسید احمد خان کی جدوجہد کے ثمرات 1947 میں پاکستان کی صورت میں سامنے آئے اور مسلمانوں کو ایک علیحدہ ریاست نصیب ہوئی جہاں وہ آزادانہ عبادات کرسکتے ہیں۔

قومی بینک دولت پاکستان کی جانب سے جاری اعلامیے میں کہا گیا ہے کہ سرسید احمد خان کی 200ویں سالگرہ 17 اکتوبر کو منائی جائے گی، اُن کی خدمات کے اعتراف میں 50 روپے کا یادگاری سکہ جاری کیا جائے گا۔

اسٹیٹ بینک آف پاکستان کا یہ یادگاری سکہ 17 اکتوبر 2018 سے بینک سروسز کارپوریشن کے تمام دفاتر سے حاصل کیا جاسکتا ہے۔

سکے کی شکل اور ڈیزائن

اسٹیٹ بینک کی جانب سے 17 اکتوبر کو جاری ہونے والا سکہ تانبے ، نکل، قطر کی دھاتوں کو ملا کر بنایا گیا ہے جس کا وزن 13.5 گراہم ہوگا۔

سامنےکا رخ

سکے کے سامنے والے حصے پر ہلال اور پانچ کونوں والے ستارے کا ابھرتا ہوا ڈیزائن ہے، جس پر بیرونی کنارے پر اسلامی جمہوریہ پاکستان کے الفاظ درج ہیں۔

اسی طرح پشت پر سرسید احمد خان کی تصویر ہے جس پر اُن کی پیدائش 1917 تا 2017 اکتوبر کے ساتھ 200ویں سالگرہ کے الفاظ کندہ ہیں۔

Comments

comments

یہ بھی پڑھیں